एनसेल आजियाटा लिमिटेडसँगको प्रमुख सहकार्यमा शिक्वल फाउन्डेसनले आयोजना गरेको ३ दिने नेपालको सबैभन्दा ठूलो महिला ह्याकाथन ‘ह्याकिङ फर ह्युम्यानिटी’ सफलताका साथ सम्पन्न भएको छ ।

कार्यक्रममा देशका विभिन्न ठाउँबाट आएका ४८ सहभागीले एकै ठाउँमा बसेर समाजका विभिन्न क्षेत्रका लागि उपयोगी हुने सोलुसन्सहरूमा काम गरेका छन् ।​

ह्याकाथनको अन्तिम दिन आइतवार सम्बन्धित समूहहरूको पिचिङपश्चात विजयी समूहहरूको घोषणा गरिएको थियो । ह्याकाथनमा सहभागी १६ टीममध्ये टीम कोड क्राफ्टर्सले नगद पुरस्कार १ लाख ५० हजार रुपैयाँसहित प्रथम पुरस्कार जितेको छ । ‘टीम क्राफ्टर्सको सोलुसनले सांकेतिक भाषा बुझ्न मद्दत गर्दछ,’ कम्पनीले भनेको छ । 

पर्यटकीय क्षेत्र लक्षित सोलुसन बनाउँदै टीम सहयात्रीले दोस्रो स्थानमा रहन सफल भई १ लाख रुपैयाँ जित्न सफल भएको छ । ज्येष्ठ नागरिकलाई ध्यानमा राख्दै टीम पाईले बनाएको अर्लट सिस्टमले तेस्रो स्थान हासिल गर्दै ७५ हजार रुपैयाँ जित्न सफल बनेको छ ।

एनसेलका प्रमुख कार्यकारी अधिकृत एन्डी चोङले यस्ता ह्याकाथनले सूचना प्रविधि क्षेत्रका युवा र उत्साही महिलाहरूलाई आफ्ना नवीन सोचलाई वास्तविकतामा बदल्न र उनीहरूमा रचनात्मकता बढाउन सहयोग गरेको बताए । ‘यो कार्यक्रम महिलाहरूलाई सूचना प्रविधिको क्षेत्रमा आफ्नो वृत्तिविकास गर्नका लागि प्रेरणादायी साबित भएको छ । यसले महिला र नन–बाइनरी छात्राहरूलाई अवसरका साथै उनीहरूलाई आवश्यक प्लेटफर्म प्रदान गरेको छ,’ उनले भने ।

एनसेलले विविधता, समानता र समावेशीकरण अर्थात डाइभर्सिटी, इक्विटी एन्ड इन्क्लुशन (डीईआई) प्रति आफ्नो प्रतिबद्धता अनुरूप महिलाहरूलाई सञ्चार तथा सूचना प्रविधि क्षेत्रमा प्रोत्साहन गर्ने प्रमुख उद्देश्य अनुरुप शिकÞ्वल फाउन्डेसनसँग ह्याकाथनका लागि सहकार्य गरेको थियो । गर्ल्स इन टेक र वुमन इन बिग डेटा सझेदारको रूपमा रहेको कार्यक्रमले डेभलपर्स, डिजाइनर्स र उद्यमीहरूलाई एकसाथ नविन सोलुसन्सहरू विकासको लागि अवसर प्रदान गरेको जनाइएको छ ।
 
माघ २७ देखि २९ सम्म आयोजना गरिएको ह्याकाथनमा विभिन्न विषयमा टक कार्यक्रम र कार्यशालाहरू आयोजन गर्दै सहभागी छात्रालाई आफ्नो प्रोजेक्टको विकासको लागि चाहिने सीपहरू प्रदान गरियो । पहिलो २ दिन आफ्नो सोलुसनमा काम गरी सहभागी टीमहरूले तेस्रो दिन आइतवार निर्णायक मण्डलसामु आफ्नो आइडियाको पिचिङ गरेका थिए ।

ह्याकाथनमा सहभागी हुँदा सहभागीहरूले विभिन्न क्षेत्रका विज्ञ व्यक्तित्वबाट प्रशिक्षण पाएका थिए ।

शिकÞ्वल फाउन्डेसनका सहसंस्थापकहरू आस्था शर्मा र मेलिशाा घिमिरेले सहभागी सबैलाई उनीहरूको उत्साह र कडा परिश्रमका लागि कृतज्ञता व्यक्त गरे र आगामी ह्याकाथनका लागि तत्पर रहेको बताए । कार्यक्रमले सूचना प्रविधिमा रहेका महिला र नन–बाइनरी ह्याकरहरूलाई एकअर्कासँग सहकार्य गर्न र आफ्ना नविन सोचलाई सोलुसन्समा परिवर्तन गर्न प्लेटफर्म प्रदान गरेको थियो ।

एनसेलले भनेको छ, ‘महिलालाई लक्षित गर्दै आयोजना गरिएको यो नेपालकै ठूलो र पहिलो ह्याकाथन हो । यस्ता कार्यक्रमले सूचना प्रविधिको क्षेत्रमा महिलाहरूको प्रतिनिधित्व र आबद्घता बढाउँदै डिजिटल अर्थतन्त्रमा महिलाहरूको समान सहभागितालाई बढाउन मद्दत गर्दछ र समस्त समाज र अर्थतन्त्रलाई फाइदा पुर्‍याउँछ ।’