खाना पकाउने ग्यास सिलिन्डर विस्फोटमा घाइते नेपाली कांग्रेसका सांसद चन्द्र भण्डारीलाई थप उपचारका लागि भारतको मुम्बइ लैजाने तयारी भएको छ ।

काठमाडौंको कीर्तिपुरमा रहेको बर्न अस्पतालले सुविधा सम्पन्न अस्पतालमा लैजान सिफारिश गरेअनुसार उनलाई मुम्बइ लैजान लागिएको हो ।

केही प्रक्रिया पूरा गरेर आजै मुम्बई लैजाने तयारी रहेको स्वास्थ्य मन्त्री पदम गिरीले जानकारी दिए । ‘उहाँको अवस्थाको जानकारी लिएँ, चन्द्र्र चण्डारीले मलाई यही उपचार गर्दिनुस् भन्नुुभएको थियो । डाक्टरहरूले भित्र श्वास नलीमा असर गरेको हुनसक्छ भनेर मुम्बईको बर्न सेन्टरमा लैजान सिफारिश गर्नुभएको छ,’ मन्त्री गिरीले भने, ‘प्रक्रिया पुर्‍याएर आजै मुम्बई लैजाने तयारी छ ।’

मन्त्री गिरीले सरकारको तर्फबाट भण्डारीको उपचारमा सहयोग रहने बताए । कांग्रेस सभापति शेरबहादुर देउवा लगायत नेताहरूले अस्पतालमा पुगेर भण्डारीको स्वास्थ्य अवस्थाको जानकारी लिएका छन् ।