नेपाली कांग्रेसले केन्द्रीय कार्यसम्पादन समितिको बैठक बोलाएको छ ।

पार्टी केन्द्रीय कार्यालयका मुख्यसचिव कृष्णप्रसाद पौडेलले शनिवार बिहान साढे ८ बजे बैठक बोलाइएको जानकारी दिए ।

पार्टीको केन्द्रीय कार्यालय वीपीनगरमा बस्ने बैठकमा केन्द्रीय कार्यसम्पादन समितिका पदाधिकारी एवं सदस्यलाई उपस्थित हुन सूचित गरिएको छ । बैठकले पार्टीबाट राष्ट्रपति उम्मेदवारको टुंगो लगाउने जनाइएको छ ।

राष्ट्रपति निर्वाचन कार्यतालिकाअनुसार भोलि शनिवार उम्मेदवार मनोनयन दर्ता गर्नुपर्नेछ । नेकपा माओवादी केन्द्र, नेकपा एकीकृत समाजवादी र जनता समाजवादी पार्टी (जसपा) नेपालले पूर्व प्रधानमन्त्री माधवकुमार नेपाललाई राष्ट्रपतिमा अगाडि सार्ने निर्णय गरेका छन् ।