आसन्न राष्ट्रपति चुनावको विषयमा छलफल गर्न नेपाली कांग्रेससहित ४ दलका शीर्ष नेताहरू बालुवाटार पुगेका छन् ।

प्रधानमन्त्रीको सरकारी निवास बालुवाटारमा प्रधानमन्त्री अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल, जसपा अध्यक्ष उपेन्द्र यादव छलफलमा जुटेका छन् ।

बैठकमा कांग्रेस उपसभापति पूर्णबहादुर खड्का, महामन्त्री गगनकुमार थापा सहभागी छन् । यसअघि बिहीवार प्रचण्ड, नेपाल र उपेन्द्र सहभागी बैठकले नेपाललाई राष्ट्रपतिमा अगाडि सार्ने निर्णय गरेको छ ।

भोलि शनिवार राष्ट्रपति निर्वाचनका लागि मनोनयन दर्ता गर्ने कार्यतालिका रहेको छ ।