नेपालविरुद्ध टस जितेर ब्याटिङ गरेको यूएईले उत्कृष्ट प्रदर्शन जारी राखेको छ। 

विश्वकप क्रिकेट लिग–२ अन्तर्गत बिहीबार त्रिभुवन विश्वविद्यालय कीर्तिपुर खेल मैदानमा यूईएले ४७ औं ओभरमा (एक ओभरमा) २० रन बनायो। 

यो समाचार तयारपार्दासम्म ५ विकेटको क्षतिमा यूएईले २७१ रन बनाएको छ। 

यूएईका कप्तान मोहम्मद वासिमले आक्रामक ब्याटिङ गर्ने क्रममा ४९ बलमा ६३ रन जोड्दै ६ छक्का र २ चौका बनाएर आउट भए।

त्यस्तै आशिफ खानले ३० बलमा ५२ रन बनाउने क्रममा ५ छक्का र ३ चौका बनाए भने विर्त्या अरविन्दले ८ चौका र २ छक्का प्रहार गरेर खेलिरहेका छन्। 

आर्यन लाक्रालाई १९ रन हुँदा गुमाए पनि यूएईका कप्तान वासिमले पारी सम्हाल्दै इनिङ उकास्न सफल भए। 

नेपालका दीपेन्द्रसिंह ऐरीले २ विकेट लिएका छन् भने ललित राजवंशी र सन्दीप लामिछानेले १/१ रन बनाएर खेलिरहेका छन्।