३११ रनको लक्ष्य पछ्याउने क्रममा खराब शुरूआत गरे पनि आईसीसी क्रिकेट विश्वकप लिग टुअन्तर्गत नेपालका कुशल भुर्तेलले अर्धशतक पूरा गरेका छन्। 

उनले ३२ बलमा अर्धशतक बनाएका हुन्। यस क्रममा उनले ४ छक्का र ३ चौका प्रहार गरे। 

त्रिवि क्रिकेट मैदानमा ७ ओभर नपुग्दै ३ विकेट गुमाएको नेपालले यूएईविरुद्ध अहिले भने केही सम्हालिएको प्रदर्शन गरेको छ। 

यसअघि नेपालका ओपनर ब्याटर आशिफ शेख खाता नखोली आउट भए भने कुशल मल्ल ५ बलमा ५ रन बनाएर आएट भएका थिए भने ​कप्तान रोहित पौडेललाई पनि नेपालले १६ रनमै गुमाएको थियो। 

अहिले क्रिजमा कुशल भुर्तेल र भीम सार्की छन्। 

यूएईले पूरा ओभर खेल्दै ३१० रन बनाएको थियो। उसका लागि आशिफ खानले शतकीय पारी खेलेका थिए। उनले मात्र ४१ बलमा १०० रन बनाएका हुन्। 

यो खेल जितेमा नेपाल सिधै विश्वकप छनोटमा स्थान बनाउन सफल हुनेछ ।