नेकपा एमालेका पोलिटब्युरो सदस्य गोकुल बास्कोटाले वामपन्थी उपियाँहरू फड्किँदा कम्युनिष्ट आन्दोलन कमजोर भएको बताएका छन् ।

तर एमाले ५ वर्षअघिको कांग्रेसभन्दा दोब्बर रहेको उनले दाबी गरे ।

शुक्रबार उपराष्ट्रपतिका लागि मतदान गरेपछि पत्रकारसँग कुरा गर्दै बास्कोटाले सत्ताबाहिर रहे पनि एमाले कमजोर नभएको बताएका हुन् ।

‘५ वर्ष पहिले कांग्रेस कहाँ थियो । वामपन्थी कहाँ थिए, वामपन्थी उपियाँ फड्के, एमाले कमजोर कहाँ देखिए होला। तर ५ वर्ष अगाडिको कांग्रेसभन्दा त दोब्बर छ’, पत्रकारको प्रश्नको जवाफमा बास्कोटाले भने ।

पुष्पकमल दाहाल प्रचण्ड र माधव नेपालहरूप्रति कटाक्ष गर्दै उनले वामपन्थी उपियाँ फड्किएको टिप्पणी गरेका हुन् । अष्टलक्ष्मी शाक्य उपराष्ट्रपतिका लागि योग्य भए पनि पार्टीबाट डामिएका मतदाताका कारण उनको जीतको सुनिश्चितता गर्न नसकिएको उनले बताए ।