मंसिर २६, २०८०
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
चैत ३, २०७९
गणतन्त्र नेपालको तेस्रो उपराष्ट्रपतिमा जसपा नेता रामसहायप्रसाद यादव विजयी भएका छन् ।
शुक्रवार सम्पन्न निर्वाचनमा यादवले ३० हजार ३२८ मत प्राप्त गर्दा उनकी निकटतम् प्रतिद्वन्द्वी अष्टलक्ष्मी शाक्यले १६ हजार ३२८ मत प्राप्त गरिन् ।
उपराष्ट्रपति निर्वाचनमा रूपमा रामसहाय देखिए पनि सारमा जसपा अध्यक्ष उपेन्द्र यादव विजयी भएका हुन् ।
सप्तरीमा डा. सीके राउतसँग पराजित भएपछि उपेन्द्रले संसद् छिर्ने बाटो खोजिरहेका थिए । अर्को पाँच वर्ष सत्ताबाहिर रहन उपेन्द्रसँग धैर्यता थिएन । त्यसैले आफ्ना सच्चा आदेशपालक रामसहायलाई उम्मेदवार बनाएर बारा– २ को निर्वाचन क्षेत्र खाली गराए ।
‘टूरिस्ट उम्मेदवार’ बनेर उपेन्द्रले प्रतिनिधिसभामा आउने बाटो खुला गरेका छन् ।
प्राविधिक हिसाबले रामसहायको उम्मेदवारी संविधानसम्मत नै रहे पनि समावेशिताको हिसाबले उपयुक्त थिएन । राष्ट्रप्रमुख पुरुष निर्वाचित भएको सन्दर्भमा उपराष्ट्रपति महिला भएको भए झनै सुन्दर हुने थियो ।
कुनैबेला देशका प्रमुख पदहरूमा राष्ट्रपति, सभामुख र सर्वोच्च अदालतको प्रधानन्यायाधीश महिला थिए । अहिले सबैजसो प्रमुख पदमा पुरुष छन् ।
उपराष्ट्रपतिमा प्रमिलाकुमारी यादवको उम्मेदवारीलाई आधिकारिक बनाएको भए उपेन्द्र यादवले मधेशी जनताको मुक्तिको नारा लगाएको सुहाउँथ्यो ।
मधेशी महिला पहिलोपटक उच्च ओहोदामा पुग्दा पिछडिएका मधेशका महिलाको आत्मसम्मान र आत्मबल बढ्यो । मधेशमा उपेन्द्र यादवको सर्वस्वीकार्यता बढ्थ्यो ।
‘सत्ता राजनीतिको नसा’ लागेका यादवले त्यो दूरदर्शिता र त्याग देखाउन सकेनन् । कथंकदाचित रामसहायको उम्मेदवारी खारेजी हुन्छ कि भन्ने भयमा प्रमिलाको उम्मेदवारी खडा गरियो । ‘डमी’ उम्मेदवार बनाएर उपेन्द्रले ढोक्साचाहिँ थापिराखेका थिए ।
सादगी नेतालाई विलासी आहाल !
शिक्षण पेशा हुँदै राजनीतिमा आएका रामसहाय यादव मधेशको राजनीतिमा एकजना इमान्दार नेता हुन् ।
शेरबहादुर देउवा सरकारमा वन मन्त्री बनेर पहिलोपटक गाउँ जाँदा श्रीमतीले सामान्य कच्ची घरमा स्वागत गरेको तस्वीरले उनको सादगीपन झल्काएको थियो ।
यादव लामो समयदेखि उपेन्द्र यादवको पार्टीको महासचिव रहे । उपेन्द्रले नै संरक्षण दिएका कयौं नेताहरू टुटफुटमा लागे । पार्टी चहारे, तर रामसहायले भने उपेन्द्रको साथ छाडेनन् । संसदीय दलको नेता समेत बने ।
स्वार्थ उपेन्द्रकै भए पनि इमानको राजनीतिले रामसहायलाई देशको महत्त्वपूर्ण पदमा पुर्याएको छ । सम्पूर्ण सुविधा भएको यस्तो पद, जहाँ बस्दा जनताको करबाट सेवा सुविधा लिने, तर काम केही गर्न नसकिने । औचित्यका हिसाबले उपराष्ट्रपति पद देशका लागि घाँडो बनेको छ । ‘सेतो हात्ती’ भनेर आलोचना खेपिरहेको छ ।
शुक्रवार संसद् भवनमा उपराष्ट्रपतिको मतदान चलिरहेको समयमा मधेशतिरकै एक सांसद भन्दै थिए, ‘माननीय रामसहाय अब विलासी आहालमा प्रवेश गर्न लाग्नुभयो ।’
कामको हिसाबले बेकामे रहेको उपराष्ट्रपति पद व्यक्तिका कारण भने बेलाबखत चर्चामा आइरहन्छ । पहिलो उपराष्ट्रपति परमानन्द झा शपथका कारण विवादमा परे । उनले दोहोर्याएर शपथ दिनुपर्यो ।
दोस्रो कार्यकालका उपराष्ट्रपति नन्दबहादुर पुन प्रतिनिधिसभा विघटन सदर गर्ने राष्ट्रपतिको कदमविरुद्ध वक्तव्य निकालेर विवादमा तानिएका थिए ।
सादगी छवी बनाएका रामसहायको कार्यकाल कस्तो रहन्छ, आगामी दिनले नै देखाउनेछ ।
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...