नेपाली कांग्रेस केन्द्रीय कार्यसम्पादन समितिको बैठक आज बिहीवार बस्दैछ ।

सरकारमा पठाउने मन्त्रीहरूको नामबारे छलफल गर्न कांग्रेसले केन्द्रीय कार्यसम्पादन समितिको बैठक बोलाएको हो ।

केन्द्रीय कार्यालयका मुख्य सचिव कृष्णप्रसाद पौडेलले प्रेषित गरेको सूचनामा उल्लेख छ, ‘पार्टीको केन्द्रीय कार्यालय, बीपी स्मृति भवन, बिपीनगरमा २०७९ चैत्र १६ गते बिहीवार बिहान ११ः०० बजे बस्ने भएको छ ।’ बैठकमा केन्द्रीय कार्यसम्पादन समितिका पदाधिकारी एवं सदस्यहरू उपस्थित हुनेछन् ।

सत्तारुढ गठबन्धनभित्र मन्त्रालयको भागबण्डा टुंगिएपछि कांग्रेसले आन्तरिक छलफल थालेको हो । यसअघि भागबण्डा नटुंगिँदा कार्यसम्पादन समितिको बैठक सर्दै आएको थियो ।