नागरिक उन्मुक्ति पार्टीबाट अध्यक्ष रञ्जिता श्रेष्ठ नै सरकारमा सहभागी हुने भएकी छन् ।

सत्ता गठबन्धनमा भागबन्डामा पाएको एउटा मन्त्रालयमा उन्मुक्तिबाट अध्यक्ष श्रेष्ठ नै नेतृत्व गरेर जान लागेकी हुन् । 

उन्मुक्तिले सरकार भूमि व्यवस्था, सहकारी तथा गरिबी निवारण मन्त्रालय पाएको छ । 

प्रधानमन्त्रीले आजै दिउसो ३ बजे मन्त्रिपरिषद् विस्तारको तयारी गरेका छन् । 

विस्तारित सरकारमा कांग्रेस, माओवादी केन्द्र, जसपा, नेकपा एस, जनमत, लोसपा, नागरिक उन्मुक्ति, नेपाल समाजवादी पार्टी र आम जनता पार्टी सहभागी हुँदैछन् । सरकार समर्थित दल रास्वपा र राष्ट्रिय जनमोर्चा भने तत्काल सरकारमा सहभागी नहुने भएका छन् ।