विभिन्न पाँच वटा कर्मचारी संगठनहरुले तत्काल संघीय निजामती सेवा ऐन जारी गर्न सरकारलाई दवाव बढाएका छन् । आफूहरुले उठाउँदै आएको माग समेटेर संघीय संसदको चालू अधिवेशनबाट संघीय निजामती सेवा ऐन जारी गर्न उनीहरुले विज्ञप्तिमार्फत माग गरेका हुन् । 

राष्ट्र सेवक कर्मचारीको मनोभावना अनुरुप मागहरु सम्बोधन नभएमा निर्णायक संघर्षका कार्यक्रमहरु अगाडि बढाउन संयुक्त ट्रेड युनियन सञ्जालको बैठकबाट आन्दोलनको तयारीका लागि समिति गठन गरिएको पनि विज्ञप्तिमा उल्लेख छ । 

विज्ञप्ति जारी गर्नेहरुमा नेपाल निगमती कर्मचारी संगठन,नेपाल निगमती कर्मचारी युनियन, नेपाल राष्ट्रिय कर्मचारी संगठन, एकीकृत सरकारी कर्मचारी संगठन र नेपाल मधेसी निजामती कर्मचारी मञ्चका अध्यक्षहरु रहेका छन् ।