मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
चैत ३०, २०७९
पूर्वअडानबमोजिम नै कांग्रेसको डा. शेखर कोइराला पक्षले कम्तीमा ३ वटा मन्त्रालय पाउने भएको छ ।
सभापति शेरबहादुर देउवाले प्रधानमन्त्रीसँग आवश्यक सल्लाह गरी ३ वटा मन्त्रालय दिन सकिने सन्देश पठाएका हुन् । देउवाको सकारात्मक सन्देशपछि शेखर पक्षका पदाधिकारी र सिनियर नेताको बैठक बिहीबार बिहान बालुवाटारमा बसेको छ ।
बैठकमा कोइरालाले सभापतिबाट ३ मन्त्री र एक राज्यमन्त्रीमा नाम दिन भनेका हुन् ।
‘सभापतिबाट ३ मन्त्री र एक राज्यमन्त्रीका लागि नाम दिन सकारात्मक सन्देश पठाउनुभएपछि हाम्रो पक्षको बैठक बसेको हो’, शेखरनिकट स्रोतले लोकान्तरसँग भन्यो, ‘प्रस्तावको ब्रिफिङ शेखर दाइले बैठकमा गर्नुभएको छ । अब हामीले कम्तीमा ३ मन्त्रालय लिने नै हो । तर १० वैशाखको उपनिर्वाचनपछि मात्रै नाम पठाउने भन्ने छ ।’
संस्थापन देउवानिकट स्रोतले पनि सभापतिले प्रधानमन्त्रीसँग सल्लाह गरेर ३ वटा मन्त्रालय दिन सकिने प्रस्ताव पठाएको जानकारी दियो । ‘त्यसरी ल पक्का नै भयो भनिएको त छैन । तर प्रधानमन्त्रीसँग छलफल गरेर २ को सट्टा ३ वटा मन्त्रालय दिन सकिने सन्देश पनि दिइएको हो’, देउवानिकट स्रोतले भन्यो, ‘तर आज भोलि नै यो कार्यान्वयन हुँदैन । सोमबारसम्म भएन भने उपनिर्वाचनपछि मात्रै मन्त्री थपिन्छन् ।’
यसअघि देउवाले २ मन्त्री र १ राज्यमन्त्रीमा मान्न पटकपटक शेखरलाई आग्रह गरेका थिए ।
१६ चैतमा प्रधानमन्त्रीले आफूसँग भएका १६ मध्ये १० वटा मन्त्रालयको जिम्मेवारीमात्रै बाँडेका थिए । अझै पनि प्रधानमन्त्रीसँग कानून, न्याय तथा संसदीय मामिला, खानेपानी, परराष्ट्र, वन तथा वातावरण, युवा तथा खेलकुद, स्वास्थ्य तथा जनसंख्या गरी ६ वटा मन्त्रालय छन् ।
शेखर पक्षले २ मन्त्रालयमा नाम दिन अस्वीकार गरेपछि सभापति देउवाले आफ्ना तर्फबाट रक्षामा पूर्णबहादुर खड्का, अर्थमा डा. प्रकाशशरण महत, उद्योग वाणिज्य तथा आपूर्तिमा रमेश रिजाल र शहरी विकासमा सीता गुरुङलाई मन्त्री बनाएका थिए ।
कांग्रेसले पाउने ८ मन्त्रालयमा ४ वटामा मात्रै नाम पठाइएकाले अब एउटा थप हुँदा कांग्रेसले ९ वटा मन्त्रालय पाउने भएको छ । यसमा थप एक राज्यमन्त्री पनि पाउने बुझिएको छ ।
जनमत पार्टीबाट खानेपानी मन्त्री भएका अब्दुल खानले राजीनामा दिएपछि शेखर पक्षलाई मनाउन पनि एक मन्त्रालय दिनुपर्ने दबाब प्रधानमन्त्रीलाई परेको हो ।
आन्तरिक विवादले लामो समय मन्त्रीविहीन बनाउन नहुने भन्दै थप एक मन्त्रालय पाउने गरी प्रधानमन्त्रीसँग संवाद गर्न देउवालाई उनकै टिमले पनि दबाब बढाएको थियो । प्रचण्डले पनि माओवादीकै चुनाव चिह्न लिएर डा. बाबुराम भट्टराईको पार्टीबाट जितेका महिन्द्रराज यादवलाई मन्त्री बनाएका थिए । यसैले कांग्रेसले पनि एउटा मन्त्रालय थपेर शेखर पक्षलाई मिलाउन खोजेको हो ।
को को बन्दैछन् मन्त्री ?
शेखर पक्षबाट नाम कुरेका देउवाले आफ्नोतर्फबाट मन्त्री बन्नेको नाम टुंग्याइसकेका छन् । संस्थापनबाट एनपी साउद र मोहन बस्नेत मन्त्री बन्ने तयारी छ । तर रामहरि खतिवडा र उदयशमशेरको पनि मन्त्रीका लागि उत्तिकै दाबी छ ।
शेखर पक्षबाट यस अघिदेखि मन्त्रीका लागि उपसभापति धनराज गुरुङ र डीगबहादुर लिम्बूको नाम चर्चामा छ । तर सहमहामन्त्रीद्वय जीवन परियार र बद्री पाण्डे पनि मन्त्रीका लागि दाबेदार हुन् । डा. शेखर यी २ मध्ये १ लाई मन्त्री बनाउने पक्षमा छन् । तर गगन थापाले युवा नेता प्रदीप पौडेललाई मन्त्री बनाउन दबाब बढाएको कांग्रेसनिकट स्रोत बताउँछ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...