नेकपा एमालेका सांसद बासुदेव घिमिरेले राष्ट्रिय आविष्कार केन्द्रका महावीर पुनले राखेका माग पूरा गर्न सरकारको ध्यानाकर्षण गराएका छन् ।

शुक्रवार बसेको प्रतिनिधि सभा बैठकको आकस्मिक समयमा एमाले सांसद घिमिरेले अनुसन्धानको क्षेत्रमा महावीर पुनले गरेको योगदानको प्रसंशा गर्दै उनका माग पूरा गर्नुपर्ने बताएका हुन् । 

‘राष्ट्रिय आविस्कार केन्द्रका अध्यक्ष महावीर पुन नेपालका लागि गहना हुन् । अनुसन्धानको क्षेत्रमा उहाँले गरेको योदना प्रशंसनीय छ । उहाँकोे मागलाइ सरकारले सुनेन’ घिमिरेले भने, ‘अनुसन्धान, नवपर्वतन र आविष्कार गर्ने प्रतिभाशाली र सृजनशील नेपालीलाई ठोस सहयोग गर्न हरेक वर्ष विकास बजेटकाे १ प्रतिशत छुट्याउनु पर्ने उहाँको माग छ । जाहेज माग पूरा गर्न सरकार गर्नुपर्छ ।’

आविस्कार र नववर्पतनमा राज्यले बजेट छुट्याउनु पर्ने लगायत माग राख्दै पुनले शुक्रवारदेखि आन्दोलन शुरु गरेका छन् । आन्दोलन शुरु भएकै दिन घिमिरेले संसदमा सरकारको ध्यानाकर्षण गराएका हुन् ।