अधिवेशन शुरु भएको झण्डै ४ महिनापछि प्रतिनिधि सभाले विषयगत समिति गठन गरेको छ ।

शुक्रवार बसेको प्रतिनिधिसभा बैठकमा सभामुख देवराज घिमिरेले समितिमा रहने सदस्यको नाम सुनाएका हुन् । प्रतिनिधिसभाको अन्तर्राष्ट्रिय सम्बन्ध समितिमा नेकपा एमालेका अध्यक्ष केपी शर्मा ओलीसहित २७ सदस्य रहने भएका छन् । 

नेकपा एसका अध्यक्ष माधव नेपालले पनि सोही समिति रोजेका छन् । नेपाली कांग्रेसका नेता डा. शेखर कोइराला, विमलेन्द्र निधि र राप्रपाका पशुपति शमशेर जबरा लगायत सदस्य छन् । ओली र नेपाल यही समितिमा थिए ।