एसीसी प्रिमियम कपको फाइनलमा नेपालले सोमबार युएईसँग प्रतिस्पर्धा गर्दैछ । किर्तिपुरस्थित टियु क्रिकेट मैदानमा हुने खेल बिहान ९ बजेदेखि सुरु हुनेछ ।  

शनिवार भएको खेलमा नेपाल कुवेतलाई पराजित गर्दै फाइनलमा पुगेको हो भने युएई ओमानलाई पराजित गर्दै फाइनलमा पुगेको हो ।  

आज हुने फाइनल खेलको विजेता टोलीले भारत र पाकिस्तानलगायतका टिमसँग खेल्न पाउने छन् ।  यद्यपि आजको खेल सञ्चालनमा सकस हुने सम्भावना देखिएको छ । बिहानैदेखि राजधानीको मौसम प्रतिकूल रहेको छ । 

पानीले प्रभावित भएको खण्डमा खेल मंगलबारका लागि सर्न सक्ने सम्भावना पनि छ ।