राष्ट्रिय आविष्कार केन्द्रका संस्थापक महावीर पुन र सरकारबीच सहमति भएको छ । ​आइतवार रातिसम्म भएको वार्ता मौखिक रूपमा सहमति नजिक पुगे पनि सोमवार दिउँसोको वार्ताबाट सहमति जुटेको हो । 

सहमतिको पहिलो बुँदामा अनुसन्धान तथा विकास, नवप्रवर्तन तथा आविष्कारसम्बन्धी कार्यहरू एकीकृत सञ्चालन गर्न सरकारले एउटा कोष स्थापना गर्ने र यस कोषबाट अनुसन्धान तथा विकास, नवप्रवर्तन तथा आविष्कारसम्बन्धी कार्यहरूमा लगानी गर्ने उल्लेख गरिएको छ ।

महावीर पुन र सरकारको वार्ता टोलीबीच सोमवार दिउँसो सिंहदरबारमा वार्ताका भएको थियो । 

अनुसन्धान, नवप्रवर्तन र आविष्कारको क्षेत्रमा राज्यले लगानी बढाउनुपर्ने माग गर्दै पुन गत शुक्रवारबाट अनिश्चितकालीन धर्नामा उत्रिएका थिए ।