जनता समाजवादी पार्टी (जसपा) नेपाल विभाजन भएर नयाँ दल दर्ताका लागि आइतवार निर्वाचन आयोगमा निवेदन दर्ता भएको छ ।

अशोक राईको नेतृत्वमा ७ सांसदले नयाँ दल गठन गरेर दल दर्ताको निवेदन दिएका हुन् । 

नयाँ दलमा राजेन्द्र श्रेष्ठलाई संघीय परिषद् अध्यक्षको जिम्मेवारी दिइएको छ ।

प्रस्तावित कार्यसमितिमा रेणु यादव सहअध्यक्ष, नवलकिशोर साह सुडी, रणध्वज कन्दन्वा र परशुराम बस्नेत उपाध्यक्ष छन् ।

सुडी वर्तमान सरकारमा वन तथा वातावरण मन्त्री छन् । ​​

मोहम्मद इस्तियाक राईलाई महासचिवमा प्रस्ताव गरिएको छ ।

उपेन्द्र यादवको तानशाहीविरुद्ध पार्टीमा विद्रोह भएका महासचिव राईले बताए ।

प्रत्यक्ष निर्वाचित कार्यकारी राष्ट्रपति, प्रत्यक्ष निर्वाचित कार्यकारी मुख्यमन्त्री रहने पार्टीको सिद्धान्त रहेको नेता श्रेष्ठले बताए ।