कोका–कोलाले ‘युथ डायलोग’ कार्यक्रम आयोजना गरेको छ । कार्यक्रममा प्यानलिस्टकारूपमा सृष्टि केसी (ब्लाइन्ड रक्सका संस्थापक एवं अध्यक्ष), सम्पदा मल्ल (मिडिया व्यक्तित्व, लेखक, फिल्म निर्माता) र किरण नेपाली (प्रसिद्ध ब्याण्ड ‘कुटुम्ब’का सदस्य तथा ‘प्रोजेक्ट सारंगी’ का गुरु) रहेका थिए ।

कार्यक्रमको प्रमुख विषय ‘प्रेरणा र करियर’मा व्यक्तिगत सीप र कौशललाई प्रयोग गरेर नेपालको परम्परागत समाजमा कलाकारितामा कसरी अवसरको सिर्जना गर्ने लगायतका विषयमा बहस भएको थियो ।

नेपाल कलेज अफ म्यानेजमेन्टका २०० भन्दा धेरै विद्यार्थीहरूको सहभागिता रहेको कार्यक्रममा कलाकारितामा क्यारियर कसरी बनाउने दृष्टिकोणका साथसाथै त्यसमा आउने चुनौतीको सामना गर्दै उत्साह र प्रेरणादायक सुझाव प्रदान गरिएको थियो ।