गण्डकी प्रदेश सरकारको आयोजनामा आज बुधवार पोखरामा हुने भनिएको अन्तर प्रदेश मुख्यमन्त्री बैठक स्थगित भएको छ ।

प्रदेशको मुख्यमन्त्री तथा मन्त्रिपरिषद्को कार्यालयले प्रदेश सरकारहरूको अनुभव आदानप्रदान गर्ने उद्देश्यका साथ ७ वटै प्रदेशका मुख्यमन्त्रीको बैठक बोलाएको थियो । 

गण्डकी प्रदेशका मुख्यमन्त्री सुरेन्द्रराज पाण्डेका प्रेस संयोजक नरहरि सापकोटाले मंगलवार एक विज्ञप्ति जारी गरी पोखरामा हुने भनिएको अन्तरप्रदेश मुख्यमन्त्री बैठक तत्कालका लागि स्थगित भएको जानकारी गराए ।

मुख्यमन्त्रीको यो सम्मेलन दोस्रोपटक हुन लागेको थियो । यसअघि गण्डकीका तत्कालीन मुख्यमन्त्री पृथ्वीसुब्बा गुरुङको नेतृत्वमा २०७५ भदौ २१ र २२ गते पोखरामा भएको मुख्यमन्त्रीहरूको बैठकले ९ बुँदे घोषणापत्र जारी गरेको थियो ।