गण्डकी प्रदेशका सभामुख कृष्ण धितालले मुख्यमन्त्री खगराज अधिकारीले विश्वासको मत पाएको घोषणा गरेका छन् ।

६० सदस्यीय प्रदेश सभामा मुख्यमन्त्री खगराज अधिकारीले राखेको विश्वासको मतको पक्षमा ३० सांसद मात्रै देखिएका थिए ।

सभामुख धितालले बहुमत पुगेको घोषणा गरेपछि कांग्रेसले प्रक्रिया मान्दैनौं भन्दै बैठकमै कालो झण्डा देखाएका थिए ।

बहुमतका लागि ३१ सांसद आवश्यक पर्ने भए पनि ३० जनाकै भरमा बहुमत पुगेको घोषणा गरेपछि कांग्रेसका सांसदले सभामुख धिताललाई बैठकमै कालो झण्डा देखाएका हुन् ।

सभामुखले असंवैधानिक कदम चालेको भन्दै कांग्रेसका सांसदले प्रक्रिया नै नमान्ने बताएका छन् । 

विश्वासको मत पाएको घोषणा संविधानविपरीत भएको कांग्रेसको दाबी छ ।

सर्वोच्च अदालतले पनि ३० मत भए बहुमत पुग्ने आदेश दिएपछि गण्डकीमा थप विवाद बढेको छ ।