आज शनिबार पनि बैंक तथा वित्तीय संस्था खुल्ने भएका छन् । नेपाल राष्ट्र बैंकको निर्देशनअनुसार राजस्व संकलनको प्रयोजनका लागि बैंक तथा वित्तीय संस्था खुल्ने भएका हुन् ।  

महालेखा नियन्त्रक कार्यालयको अनुरोधमा शुक्रबार निर्देशन जारी गर्दै राष्ट्र बैंकले असार २३ र ३० गते शनिबार राजस्व संकलन, चेक क्लियरिङ एवम् विद्युतीय रकम ट्रान्सफरको फण्ड सेटलमेन्ट गर्ने प्रयोजनका लागि बैंक तथा वित्तीय संस्थालाई व्यवस्था गर्न अनुरोध गरेको हो ।

राष्ट्र बैंकका अनुसार असार २३ र ३० गते बिदाका दिन र २४ गतेसमेत राति ८ बजेसम्म सिस्टम खुला राख्नुपर्नेछ ।