नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपालले मंगलवार भएको हेलिकोप्टर दुर्घटनामा दिवंगत भएका सबैप्रति भावपूर्ण श्रद्धाञ्जलि तथा परिवारजनमा गहिरो समवेदना व्यक्त गरेका छन् ।

अध्यक्ष नेपालले विज्ञप्ति जारी गर्दै दुर्घटनाले आफूलाई स्तब्ध बनाएको उल्लेख गरेका छन् ।

उनले हेलिकोप्टर दुर्घटनामा दिवंगत भएकाको आत्माको चिरशान्तिको कामना गरेका छन् ।

सोलुखुम्बुबाट काठमाडौंका लागि उडेको मनाङ एयरको हेलिकोप्टर सोलुखुम्बुको लिखुपिके गाउँपालिका–५ लामजुरामा दुर्घटना हुँदा क्याप्टेन चेतबहादुर गुरुङ र ५ म्याक्सिकोका नागरिकको ज्यान गएको थियो ।