नेपाली क्लब मछिन्द्रले भुटानी क्लब पारो एफसीलाई एएफसी कप छनोटको प्रारम्भिक चरणमा पराजित गरेको छ । पारो एफसीलाई ३–२ गोलले हराउँदै मच्छिन्द्र क्लब एएफसी कप छनोटको दोस्रो चरण पुगेको हो । 

मंगलबार दशरथ रंगशालामा भएको खेलमा भुटानले सुरुवाती अग्रता लिएको थियो ।  खेलको ७औं मिनेटमा पारोका काजुओ होम्माले गोल गर्दै अग्रता लिएका थिए । तर त्यसको ५ मिनेटपछि नै  विमल घर्ती मगरले बराबरी गोल फर्काए ।

यस्तै त्यसपछि १५ ‍औं मिनेटमा आयुष घलानले तथा ३९ मिनेटमा ओलावाले आफिजले गोल गरे गरे । 

७१औं मिनेटमा पारोका लागि इभान अशान्तेले एक गोल गरेपनि त्यो जितका लागि पर्याप्त हुन सकेन।  
विजेता मछिन्द्रले आगामी  अगष्ट १६ मा भारतीय क्लब मोहन बगानसँग प्रतिस्पर्धा गर्ने कार्यतालिका छ ।