कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
विराटनगर | असोज २५, २०८०
मोरङको मिक्लाजुङकी दीपा राईलाई बुधवार बिहान कुकुरले टोक्यो । मर्निङ वाक गर्ने क्रममा उनको खुट्टामा कुकुरले टोकेको थियो ।
कुकुरले टोकेपछि उनी इटहरीको सामुदायिक अस्पतालमा गइन् । अस्पतालबाट बीपी कोइराला स्वास्थ्य विज्ञान प्रतिष्ठान तथा कोशी अस्पताल जान चिकित्सकले सुझाव दिए । उनी विराटनगर आइन् ।
कुकुर, बाँदरलगायत जनावरले टोकेपछि एन्टीरेबिज भ्याक्सिन लगाइन्छ । जनावरले टोकेको थाहा पाएपछि सकेसम्म चाँडै खोप लगाउनुपर्छ भन्ने कुरा दीपाले सुनेकी थिइन् । त्यही भएर जति सक्दो चाँडो अस्पताल पुगिन् ।
तर, कोशी अस्पतालमा उनले सेवा पाइनन् । स्वास्थ्य सेवा विभाग र प्रदेश स्वास्थ्य आपूर्ति व्यवस्थापन केन्द्रले खोप उपलब्ध नगराएको भन्दै अस्पतालले खोप सेवा बन्द गरेर बसेको दुई हप्ता हुन लागेको छ । अस्पतालले एन्टीरेबिज भ्याक्सिन लगाउन बन्द गरेको सूचना असोज १४ गते टाँस गरेको थियो ।
एन्टिरेबिज भ्याक्सिनको चरम अभाव भएको भन्दै सेवा बन्द भएपछि कोशीमा आउने दैनिक १० देखि २० जनासम्म बिरामीहरू अहिले रित्तै फर्किरहेका छन् ।
नी निजीमा गएर महँगोमा खोप लगाउन बाध्य भइन् । निजी क्लिनिकले एउटा भ्याक्सिनको २ हजार देखि १० हजार रुपैयाँसम्म लिने गरेका छन् । दीपाले २ हजार रुपैयाँमा भ्याक्सिन खरिद गरेर ल्याएको बताइन् ।
एन्टीरेबिज भ्याक्सिन सरकारी अस्पतालमा निःशुल्क पाइन्छ । तर, कोशीमा भ्याक्सिन नभएको भन्दै बिरामीहरू निजी अस्पताल र क्लिनिकबाट महँगोमा किनेर लगाउन बाध्य छन् ।
अस्पतालदेखि करिब १ किलोमिटर पूर्वमा रहेको प्रदेश स्वास्थ्य आपूर्ति व्यवस्थापन केन्द्रको स्टोरमा एक महिनासम्म पुग्ने रेबिजविरुद्धको भ्याक्सिन थन्किएको छ ।
बुधवारसम्म प्रदेशको आपूर्ति केन्द्रको स्टोरमा ४ हजार भाइल भ्याक्सिन रहेको प्रदेश स्वास्थ्य आपूर्ति व्यवस्थापन केन्द्रका कोल्डसेन निरीक्षक चन्द्रकान्त ठाकुरले जानकारी दिए । अहिले स्टोर रहेको भ्याक्सिनले एक महिनासम्म प्रदेशमा पुग्ने उनको भनाइ छ ।
कोशी अस्पतालले यसअघि गत भदौ १४ गते ७५० भाइल रेबिज विरुद्धको भ्याक्सिन लगेको अभिलेखमा देखिन्छ ।
त्यसयता प्रदेश आपूर्तिमा माग गरेको छैन । अस्पताल प्रशासनले भ्याक्सिन माग गर्नुको साटो सेवा बन्द गरेर बिरामीलाई सास्तीसँगै चर्को शुल्क तिरेर उपचार गर्न बाध्य बनाएको छ ।
केन्द्रले माग सहितको पत्र आपूर्तिमा आएपछि भ्याक्सिन दिने गरेको छ । प्रदेश आपूर्तिबाट कोशीसहितको ३५ वटा स्वास्थ्य संस्थामा भ्याक्सिन जाने गरेको छ । तर, कोशी अस्पतालले अहिलेसम्म पत्र पठाएको छैन ।
स्वास्थ्य मन्त्रालयबाट आपूर्ति हुन नसक्दा समस्या भएको अस्पतालका मेडिकल सुपरिटेन्डेन्ट (मेसु) डा. चन्द्रभाल झाले बताए । ‘दैनिक १५/२० जना बिरामी आउँछन् । भ्याक्सिन छैन । के गर्नु ? आफैँले खरिद गर्न मिल्दैन । केन्द्रीय सरकारको स्वास्थ्य आपूर्ति केन्द्रसँग माग गरेका छौँ,’ उनले भने, ‘आएपछि बिरामीलाई उपलब्ध गराउँछौँ ।'
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...