एनसेल आजियाटा लिमिटेडले ‘हरेक दिन सरप्राइज सबैलाई स्योर–प्राइज’ योजनाअन्तर्गत मंगलवार थप ३ जना ग्राहकलाई बम्पर पुरस्कारस्वरुप स्कुटर प्रदान गरेको छ । उक्त पुरस्कार काठमाडौंको नयाँ बानेश्वर, भैरहवा र जनकपुरस्थित एनसेल सेन्टरमा आयोजित भिन्नाभिन्नै कार्यक्रममा हस्तान्तरण गरिएको हो ।

एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले नयाँ बानेश्वर एनसेल सेन्टरमा ललितपुरका आकाश तामाङलाई बम्पर पुरस्कार स्कुटर हस्तान्तरण गरेका थिए । 

यस्तै एनसेल सेन्टर भैरहवाबाट अभिनेत्री केकी अधिकारीले बाँकेकी मिना त्रिपाठीलाई स्कुटर हस्तान्तरण गरेकी हुन् । 

त्यसैगरी सप्तरीका सुदीप कुवँर क्षेत्रीलाई अभिनेत्री प्रियंका कार्कीले एनसेल सेन्टर जनकपुरमा आयोजिक कार्यक्रममा स्कुटर हस्तान्तरण गरेकी थिइन् ।

स्कुटर पाएपछि आकाश तामाङले जीवनमा नसोचेको खुसी मिलेको बताए । ‘मैले सोचेकै थिइन् म आज यति लक्की हुन्छु भनेर । यो अनेक्स्पेक्टेड हो मेरो लागि । मेरो आज खुसीको सीमा नै छैन,’ उनले भने ।

यो योजना एनसेलको १८औं वार्षिकोत्सवको अवसरमा २८ दिने क्याम्पियनमा देशभरबाट ४५ हजार नारा संकलन गरी सात प्रदेशबाट सातजना उत्कृष्ट नारा पठाउने विजेतालाई छानिएको एनसेलले जनाएको छ ।

यसैअनुरुप विजेता तामाङको ‘चाहे दिन होस् या रात एनसेल छ साथ, गरौं आफन्तसँग निर्धक्क बात’ नारा काठमाडौंबाट उत्कृष्ट भएको हो ।    

जसअन्तर्गत मंगलवार विराटनगर, हेटौँडा र धनगढीमा घोषणा गरिएको थियो । बाँकी रहेका १ जना विजेतालाई बिहीवार पोखरामा पुरस्कार हस्तान्तरण गरिनेछ । 

यो योजना ब्रान्ड प्रतिबद्धता ‘हामी तपाईंकै लागि’अन्तर्गत सञ्चालित गरिएका पहलहरूमध्ये एक हो र यो भाद्र ३१ देखि २८ दिनसम्म सञ्चालनमा रहेको थियो ।

यस योजनामा प्रत्येक ग्राहकलाई दैनिक ‘स्योर प्राइज’ प्रदान गरिएको थियो । एनसेलसम्बन्धी उत्कृष्ट नारा पठाउने १ हजार ग्राहकलाई हरेक हप्ता १०० बोनस ब्यालेन्स प्रदान गरिएको थियो । यस योजनाअन्तर्गत दैनिक रुपमा ग्राहकहरूलाई प्रदान गरिएको स्योर प्राइजमा डिजिटल सेवाहरू, ब्यालेन्स, डाटा, टक टाइम र एसएमएस रहेका थिए । 

साप्ताहिक बोनस ब्यालेन्स र बम्पर पुरस्कारका लागि योग्य हुन ग्राहकहरूले शर्तअनुसार एनसेलको बारेमा नारा पठाएका थिए र यस अवधिमा देशभरका ग्राहकबाट कम्पनीले ४५ हजार भन्दा बढी नारा प्राप्त गरेको थियो ।

साप्ताहिक बोनस ब्यालेन्स र बम्पर पुरस्कारका विजेताहरू क्रिएटिभ एजेन्सीमार्फत गरिएको नाराहरूको मूल्याङ्कन र विजेता छनोट प्रक्रियाको एक अडिट फारमद्वारा गरिएको परीक्षणका आधारमा छानिएका थिए । यस योजनाअन्तर्गत एनसेलले बम्पर पुरस्कारस्वरूप ७ जना विजेतालाई स्कुटर उपलब्ध गराउने घोषणा गरेको थियो ।

एनसेलले बुधवार दिउँसो जनकपुर र भैरहवास्थित एनसेल सेन्टरमा ग्राहक भेटघाट कार्यक्रमको पनि आयोजना गरेको थियो । यस कार्यक्रममा अभिनेत्री प्रियंकाले जनकपुरको एनसेल सेन्टरमा र अभिनेत्री केकीले भैरहवा एनसेल सेन्टरमा आएका ग्राहकहरूसँग अन्तरक्रिया गर्नुका साथै ती सेन्टरबाट बुधवार १०० रुपैयाँभन्दा बढीको रिचार्ज गर्ने ग्राहकहरूलाई एनसेलका विभिन्न उपहार प्रदान गरेका थिए ।

हेरौं भिडियोः