साइमेक्स इन्क प्रालिले देशका मुख्य स्थानहरूमा ११ डीसी फास्ट चार्जर जडान गरेको छ ।

बीवाईडी अटो इन्डस्ट्री कम्पनी लिमिटेडको नेपालका लागि आधिकारिक वितरक साइमेक्सले फास्ट चार्जर जडान  गरी विद्युतीय साधनको क्षेत्रमा महत्वपूर्ण मार्गचित्र बनाएको हो ।

नयाँ जडित डीसी फास्ट चार्जर देशका मुख्य शहरहरू, पोखरा, नेपालगन्ज, बुटवल, विराटनगर, जनकपुर, नारायणघाट, अनामनगर, मुलकोट, बिर्तामोड, नक्साल र गुह्येश्वरीमा राखिएको छ ।

यी चार्जरहरू मध्ये १० ओटा चार्जरले ३० किलोवाटको पावर आउटपुट दिने छन् भने मुलकोटमा जडित चार्जरमा ६० किलोवाटको फास्ट चार्जर जडान गरिएको छ ।

साइमेक्सद्वारा पहिलेनै जडान गरिएका ४० किलोवाटका १४ फास्ट चार्जर नेटवर्कलाई थप विस्तार गरिएको हो ।

चर्जिङ्ग स्थान र तिनको सम्पर्क नम्बरका लागि साइमेक्सको आधिकारिक वेबसाइट cimex.com.np/charging-stations मा गएर हेर्न सकिने कम्पनीले जनाएको छ ।​

विद्युतीय साधन चार्जिङ स्टेसनको बढ्दो मागको सम्बोधन गर्दै साइमेक्सले चार्जिङ नेटवर्कहरूको थप विकास र विस्तार गर्ने योजना राखेको छ ।

साथै डिसेम्बर २०२३ को अन्त्यसम्ममा थप १८ डीसी फास्ट चार्जर सञ्चालनमा ल्याइने कम्पनीले जनाएको छ ।

बीवाईडी  एट्टो ३ का लागि ८८ किलोवाटसम्मको डीसी फास्ट चार्जिङको प्रयोग गर्न सकिन्छ भने बीवाईडी डल्फिनमा ६० किलोवाटसम्मको चार्ज दिन सकिन्छ । यसले ३० देखि ४५ मिनेटमा बीवाईडी विद्युतीय साधनहरूलाई ८० प्रतिशतसम्म चार्ज गर्न सकिने छ ।