दुईपाङ्ग्रे सवारीसाधनको दुनियाँमा चिनिएको रेजेडआर हाइब्रिड १२५ ले जारी नेपाल सुपर लिग (एनएसएल) फूटबललाई हेल्मेट र्‍याकहरू उपलब्ध गराएको छ । यस पहलकदमीले सुरक्षाको प्राथमिकता र खेलाडी तथा प्रशंसकहरूको सुविधा बढाउने कम्पनीको अटल प्रतिबद्धता झल्काउने विश्वास कम्पनीले लिएको छ ।

‘एनएसएलले फूटबल प्रेमीहरूलाई मोहित तुल्याइरहेको बेला रेजेडआर हाइब्रिड १२५ को यो नौलो पहलकदमी हो । दर्शकले खेलको मजा लिँदैगर्दा फ्यानहरूलाई हेल्मेट राख्नका लागि सुविधाजनक स्थान उपलब्ध हुनेछ,’ कम्पनीले भनेको छ ।

यसले रङ्गशालामा पुग्ने फूटबलप्रेमीसँग आफ्नो हेडगियर राख्न सुरक्षित र पहुँचयोग्य ठाउँको सुनिश्चितता प्रदान गर्ने पनि कम्पनीले जनाएको छ ।

‘फूटबल खेललाई माया गर्ने भावुक प्रशंसकहरूको सम्मानस्वरूप यामाहा रेजेडआर हाइब्रिड र केटीएम रेजेडआर्सले उत्साहपूर्वक यसको पहलकदमी लिएका हुन्,’ कम्पनीले उल्लेख गरेको छ ।

नेपाली खेलकुद र विशेषगरी फूटबललाई समर्थन गर्ने लामो इतिहास बोकेको यामाहा ए डिभिजन लिगमा समेत सक्रिय रुपमा संलग्न छ ।

हेल्मेट र्‍याकको स्थापनाले फ्यानहरूमा फूटबलको रोमाञ्च अझै बढ्ने विश्वास यामाहाको एमएडब्लू टू ह्वीलर डिभिजनका अधिकारीहरूले लिएका छन् ।