नेपाली कांग्रेसका सभापति एवं पूर्वप्रधानमन्त्री शेरबहादुर देउवाले ‘तमु ल्होसार’का तमु (गुरुङ) समुदायलाई पार्टी र आफ्नो व्यक्तिगत तर्फबाट शुभकामना दिएका छन् ।

सभापति देउवाले तमु जातिले नयाँ वर्षको रुपमा मनाउने ल्होसारले आफ्नो धर्म, संस्कृति, रीतिरिवाज र परम्पराको संरक्षणमा लाग्न सबैलाई प्रेरित गर्दै आएको बताएका छन् ।

यस्ता पर्वले नेपाली समाजमा सद्भावना बढाउने उनले आइतवार जारी गरेको सन्देशमा उल्लेख छ । सन्देशमा उनले तमु ल्होसारले धर्म, संस्कृति, र परम्पराको संरक्षणमा लाग्न प्रेरित गरेको बताएका छन् ।

तमु ल्होसारको अवसरमा सरकारले आइतवार सार्वजनिक बिदा दिएको छ ।