हुन्डाई अटोमोवईल्सको आधिकारिक विक्रेता लक्ष्मी इन्टरकन्टिनेन्टलले ‘हुन्डाई न्यु इयर डिलाइट २०२४’ योजना सार्वजनिक गरेको छ ।

नयाँ वर्षलाई मध्यनजर गर्दै यही पुष १६ गतेदेखि नेपालभरिका सबै शोरुममा योजना लागू गरिएको कम्पनीले जनाएको छ ।

यस योजना अन्तर्गत, ग्राहकहरूले रु. ५,००,००० सम्मको आकर्षक नगद छुट, विद्युतीय गाडीको खरिद गर्दा प्रोत्साहन स्वरुप रु. ५०, ००० सम्मको गो-ग्रीन बोनसका साथै गाडीको मोडल इयरको आधारमा रु. ५,००,००० सम्मको छुट प्राप्त गर्न सक्ने छन् ।

यो योजनामा ग्राहकहरूले गाडी खरिद गर्दा १ वर्षसम्मको निःशुल्क बीमा तथा सवारी करका साथै तुरुन्तै मूल्यांकन तथा एक्सचेन्ज सुविधा पाउनेछन्।

सबै हुन्डाई आईसीई गाडीहरूमा ३ वर्ष वारेन्टी, ६ वर्षको फ्री सर्भिसिङ्ग र ईभी गाडीको ब्याट्रीमा ८ वर्ष र मोटरमा २ वर्ष वारेन्टी उपलब्ध हुने कम्पनीले जनाएको छ।