एसियन कप फुटबल प्रतियोगिता आजदेखि कतारमा शुरू हुँदैछ । एसियन कपको १८औं संस्करणमा कुल २४ देशले भाग लिँदै छन् । अघिल्लो वर्ष १६ जुन देखि १६ जुलाईसम्म चीनमा आयोजना हुने भनिएको प्रतियोगिता कोरोना महामारीका कारण यसपटक हुन लागेको हो । 

आजदेखि शुरू एसियन फुटबलको सबैभन्दा ठूलो प्रतियोगिताका खेलहरू २०२२ को विश्वकप फुटबल खेलिएका सात स्टेडियममा हुने छन् । प्रतियोगितामा ताजकिस्तानले पहिलो पल्ट भाग लिँदै छ भने हङकङ ५६ वर्षपछि  एसियन कपमा कमब्याक गरेको छ । 

प्रतियोगितामा सार्क देशबाट भारत मात्र सहभगी रहेको छ ।

 सहभागी २४ देशलाई ६ समूहमा विभाजन गरिएको छ । जसबाट हरेक समूहका विजेता र उपविजेता राउण्ड १६ मा प्रवेश गर्ने छन् भने तेस्रो स्थानमा रहेका शीर्ष ४ देशले राउण्ड १६ मा आफ्नो स्थान सुरक्षित गर्ने छन् ।

अहिलेसम्म एएफसी एसियन कपको उपाधि सबैभन्दा बढी जापानले ४ पटक जितेको छ ।