बालाजु अटो वर्कस प्रालिले 'महिन्द्रा केयर फेस्ट' आयोजना गर्ने भएको छ ।​ 

महिन्द्रा फोर व्हिलरको नेपालका लागि एक मात्र अधिकृत बिक्रेता अग्नि ग्रुपको सहायक कम्पनी बालाजु अटोले यही माघ २१ देखि २६ गतेसम्म देश व्यापी 'महिन्द्रा केयर फेस्ट' गर्न लागेको हो ।

यस ४५–पोइन्ट चेकअप क्याम्पमा फ्रि लेबर चार्ज, फ्रि वाशिंग, फ्रि हेल्थ चेकअप, लुब्रिकेन्ट्स र स्पेयर पार्टसमा १० देखि ५० प्रतिशतसम्म छुटका साथसाथै अन्य उपहारहरूको पनि व्यवस्था गरिएको कम्पनीले जनाएको छ ।

कम्पनीका अनुसार नेपालभरिका महिन्द्राका आधिकारिक सर्भिस सेन्टरमा ग्राहकले केयर फेस्टमा सहभागी हुन सक्नेछन् ।​​

आफ्ना सेवाग्राहीलाई थप सेवासुविधा प्रदान गर्ने उद्देश्यका साथ महिन्द्राले हरेक वर्ष यस प्रकारका कार्यक्रम आयोजना गर्दै आइरहेको छ ।​ केयर फेस्टमा यसपटक पनि अघिल्ला वर्षहरूमा झैं ग्राहकहरूको उल्लासमय सहभागिता रहने कम्पनीको अपेक्षा छ ।

साथै ग्रुपको सहायक कम्पनी अग्नि आस्था प्रालिले यसै केयर फेस्टमा महिन्द्राका कुनै पनि गाडी खरिद तथा बिक्री वा एक्सचेन्ज गर्ने सुविधा पनि ल्याएको छ ।

यसका ​साथै महिन्द्राका सर्टिफाइड युज्ड गाडी खरिद गर्नु परेमा आकर्षक अफर पनि ल्याएको कम्पनीले जनाएको छ । यो सेवा काठमाडौं, भैरहवा र इटहरीमा उपलब्ध छ।

साथै, ग्राहकहरुले केयर फेस्टमा सर्भिस बुक गर्न वा थप जानकारीका लागि टोल फ्रि नम्बरहरू १६६००–१००–२०० (नेपाल टेलिकम) र ९८०१५७१२१२ (एनसेल) मा सम्पर्क गर्न सकिनेछ ।