हुन्डाईको आधिकारिक बिक्रेता लक्ष्मी इन्टरकन्टिनेन्टल प्रालिले बहुप्रतीक्षित एसयूभी एक्सटरको बुकिङ खुला गरेको छ ।

गत भदौमा सम्पन्न नाडा अटो शोमा प्रदर्शन गरिएको बहुप्रतीक्षित एसयूभी एक्सटरको शुक्रवारबाट बुकिङ खुला गरिएको कम्पनीले जनाएको छ ।

कम्पनीका अनुसार हुन्डाईको एक्सटर सिटर एसयूभी कम्पनीको मोडेल लाइनअपमा पहिलो एसयूभी हो । जुन हुन्डाई भेन्युभन्दा अघि रहने छ। 

आकर्षक बनोट र विभिन्न फिचरले एक्सटरलाई एक विशेष एसयूभी बनाएको छ ।

गत जुलाई महिनामा भारतमा सार्वजनिक गरिएको एक्सटर भारतको प्रतिष्ठित इन्डियन कार अफ द इयर (आईसीओटीवाई)को विजेतासमेत बनेको छ ।​

एक्सटरको फ्रन्टमा स्प्लिट हेडलाइट सेटअप र एलईडी डीआरएल दिइएको छ।

यसको डीआरएल एच प्याटर्नमा राखिएको छ र इन्टेरियरमा इलेक्ट्रिक सनरुफ, वायरलेस चार्जर, एन्ड्रोइड अटो र एप्पल कारप्ले सपोर्ट, डिजिटल इन्स्ट्रयुमेन्ट क्लस्टर लगायत अन्य प्रशस्त फिचर उपलब्ध छ।​ ​​

१.२ लिटर पेट्रोल इन्जिन जडित सो एसयूभीको पावर ८३ एचपी र टर्क ११४ एनएएम रहेको छ ।

सो एसयूभीमा १८ प्रकारका ‘फर्स्ट–इन –सेग्मेन्ट’ फिचर दिइएको हो । हुन्डाईले एसयूभी एक्स्टरमा पहिलोपटक ६ वटा एयरव्याग दिएको छ ।

६ कलर अप्सनमा आउने एक्सटर नेपालमा ई, एस र एसएक्स गरी तीन भेरियन्टमा उपलब्ध हुनेछ । जसको मूल्य क्रमशः रु. ३४,९६०००/-, ४०,९६,००० /- र ४४,९६,०००/- हुने कम्पनीले जनाएको छ ।

लक्ष्मी इन्टरकन्टिनेन्टल प्रालिले नेपालभरि १७ शोरुम तथा १९ सर्भिस सेन्टर र ४५ भन्दा बढी चार्जिङ पोइन्टहरूमार्फत ग्राहकहरूलाई सेवा प्रदान गरिरहेको छ ।​

हुन्डाई मोटर कम्पनी विश्वकै ५ ठूला अटोमोबाइल उत्पादक मध्येमा पर्दछ ।

यस कम्पनीका उत्कृष्ट उत्पादनहरूले विश्वभरि करोडौं ग्राहकहरूको मन तथा विश्वास जित्न सफल भएको छ ।