जापानी अर्थतन्त्रबारे आइएमएफकी गोपीनाथ : बढ्दो सरकारी खर्च अर्थतन्त्रका लागि फाइदाजनक

गूड आफ्टरनून, जापान २०२४ आर्टिकल-IV मिसनको समापनमा हामीसँग सामेल हुनुभएकोमा धन्यवाद ।

हामीले हाम्रो निष्कर्षमा पुग्नु अघि म यो चिन्न चाहन्छु कि सन् जापानको वर्ष २०२४ भयानक त्रासदीबाट सुरु भयो । नोटो प्रायद्वीपमा जनवरी १ मा गएको भूकम्पबाट प्रभावितहरूप्रति अन्तर्राष्ट्रिय मुद्रा कोष (आइएमएफ)को तर्फबाट हाम्रो गहिरो सहानुभूति छ । हामी यस प्रकोपबाट भएको क्षतिको पुनर्निर्माण राम्रोसँग होस् भन्ने आशा गर्दछौं ।

म बैंक अफ जापानका अधिकारीहरू र निजी क्षेत्रका हाम्रा साझेदारहरूलाई पनि यस प्रक्रियामा सहयोग गरेकोमा धन्यवाद दिन चाहन्छु । हामीले जापानको अर्थतन्त्रको मूल्याङ्कन गर्न टोकियोमा विगत केही हप्ता रहँदा हाम्रो टोलीसँगको तपाईंको संलग्नताको कदर गर्छौं ।

संक्षेपमा मैले हाम्रो खोज र सिफारिस पाँच विषयमा राख्नेछु ।

पहिलो-जापानको आर्थिक दृष्टिकोण

दशकौंदेखि जापानले मुद्रास्फीति न्यून राख्न र अहिलेसम्म देखिएको कमजोर घरेलु माग बढाउन संघर्ष गरिरहेको छ । अर्थशास्त्रीहरूले यस घटनालाई तनावपूर्ण ढंगबाट व्याख्या गरिरहेका छन् । जापानले सबैभन्दा पहिला नयाँ 'नीति उपकरण' विकास गरेको छ, जुन पछि विश्वभर लागू गरिएको छ ।

अब यो अवधि समाप्त हुँदैछ भन्ने मलाई लाग्छ । २०२३ मध्यमा बन्द भएको आउटपुट ग्यापले यो माग अब अर्थव्यवस्थाको क्षमतासँग मिलाइएको देखाउँछ । हामी २०२४ मा १  प्रतिशत आर्थिक वृद्धिको प्रक्षेपण गरेका छौं । हाम्रो पछिल्लो विश्व आर्थिक दृष्टिकोणको तुलनामा जापानले गरेको बलियो सरकारी खर्चको लागि धन्यवाद छ । यसबाट निरन्तर २ प्रतिशत मुद्रास्फीति कायम रहने सम्भावना बढ्दो देखिन्छ ।

किनभने मूल्यवृद्धि विगत तीन दशकमा पहिलो पटक वस्तु र सेवामा आधारित बनेको छ । श्रम बजारमा ज्यालादारी १९९५ पछि सबैभन्दा तीव्र गतिमा बढिरहेको छ । माग-पक्ष कारकहरूले मुद्रास्फीति बढ्नमा महत्त्वपूर्ण भूमिका खेलिरहेका छन् । धेरैजसो घरपरिवार र फर्महरूले अब मुद्रास्फीति २ प्रतिशतभन्दा माथि रहने आशंका गरेका छन् ।

आगामी दिनहरूमा मुद्रास्फीतिमा आयात-मूल्यको प्रभाव कम हुनेछ । तर हामी आशा गर्छौं कि धेरै बलियो श्रम बजारले ज्यालादारीमा छिटो बढोत्तरी ल्याउने छ र २०२५ को दोस्रो अर्धवार्षिकसम्म मुद्रास्फीति दुई प्रतिशतको लक्ष्य भन्दा माथि जानेछ । यसले जापानप्रतिको हाम्रो नीति र सल्लाहलाई मूर्तिकृत गर्नेछ ।

अब दोस्रो विषयमा जाउँ : मौद्रिक नीति

जापानको स्फीतिको इतिहास र हालको तथ्याङ्कबाट प्राप्त मिश्रित सङ्केतहरूलाई ध्यानमा राख्दै बैंक अफ जापान (बीओजे)ले आफ्नो नीतिमा उचित सावधानी अपनाएको छ भन्ने हाम्रो धारणा छ ।

अपरम्परागत मौद्रिक नीतिले रिकभरीलाई समर्थन गर्दै मुद्रास्फीतिका अपेक्षाहरू बढाउने काम गरेको छ तर मुद्रास्फीतिको लक्ष्य हासिल गर्न अब आवश्यक छैन । यसको मतलब बीओजेले 'यील्ड कर्भ कन्ट्रोल'बाट बाहिर निस्कनुपर्छ र धितोपत्र बजारमा देखिन सक्ने अचानक परिवर्तनहरूबाट बच्न यसले परिपक्व रोलओभर जारी राख्दै मात्रात्मक र गुणात्मक सहजताको फ्रेमवर्क समाप्त गर्नुपर्छ ।

त्यसपछि बीओजेले बिस्तारै ब्याजदर बढाउनु पर्छ । यी नीति परिवर्तनहरू क्रमशः राम्रोसँग सञ्चार हुनुपर्छ ।

मैले चर्चा गर्न खोजेकोतेस्रो विषय: वित्तीय नीति

बन्द उत्पादन अन्तर र उच्च सार्वजनिक ऋण-जीडीपीसँग  वित्तीय नीति अर्थपूर्ण रूपमा बलियो हुनुपर्छ ।

उमेर सम्बन्धित खर्च दबाबलाई समायोजन गर्न लामो अवधिमा सार्वजनिक ऋण-जीडीपी अनुपात स्थीर रूपमा बढ्नेछ । राजस्व र व्यय दुवै उपायहरूद्वारा आधारित वित्तीय बफरहरू पुनर्निर्माण गर्न र ऋणको दिगोपन सुनिश्चित गर्न वित्तीय सीमाको नाप आवश्यक छ ।

राजस्व पक्षमा धेरै विकल्पहरू छन्, उदाहरणका लागि उच्च आय हुनेहरूका लागि आयकरलाई बलियो बनाउने । खर्चतिरको लक्ष्य बेकामे रकमान्तरलाई सीमित गरेर वा ऊर्जा क्षेत्रलाई अनुदान दिएर चरणबद्ध रूपमा हासिल गर्न सकिन्छ । अतिरिक्त खर्च गर्ने नीति अपनाउने हो भने उच्च र दिगो राजस्व नीति अपनाउनु पर्छ ।

चौथो:हामीले हाम्रो वित्तीय क्षेत्र मूल्याङ्कन कार्यक्रमको एकअंगकारूपमा वित्तीय क्षेत्रको लचिलोपनकोगहन मूल्याङ्कन पनि गरेका छौं ।

यसअघि गरिएका तनावपूर्ण परीक्षण अभ्यासहरूले विदेशी र घरेलु ब्याजदरमा हुने सम्भावित वृद्धि र वृद्धिमा तीव्र गिरावट लगायत समष्टिगत संकुचनको दायरामा वित्तीय प्रणाली व्यापक रूपमा लचिलो रहेको सुझाव दिएका छन् ।

तर त्यहाँ केही कमजोरीहरू छन्, जसमा ठूला धितोपत्र होल्डिङहरू, विदेशी मुद्रा एक्सपोजरहरू र रियलस्टेट बजारका अंगहरू असहज भएका संकेतहरू पनि समावेश छन् । यसका लागि अनुगमन आवश्यक छ र वित्तीय पर्यवेक्षण र संकट तयारी ढाँचालाई अझ बलियो बनाउन आवश्यक छ ।

अन्तमा,संरचनात्मक सुधारहरूले जापानी अर्थतन्त्रलाई थप गतिशील,थप हरियाली र थप समावेशी बनाउन मद्दत गर्न सक्छ ।

जापानी अर्थतन्त्रमा श्रम बजारमा महिलाहरूलाई सशक्तिकरण गर्ने उपायहरू समावेश छन्, जस्तै बाल हेरचाह सुविधाहरूमा बढ्दो खर्च र कामलाई थप लचिलो बनाउने खालका प्रशस्त सुधारहरू भएका छन् ।

जापानले साझा विश्वव्यापी चुनौतीको सामना गर्ने क्रममा र भविष्यका लागि आफ्नो अर्थतन्त्रलाई तयार पार्ने क्रममा हामी बहुपक्षीय सहयोग र अन्तर्राष्ट्रिय मुद्रा कोषसँगको साझेदारीलाई बढावा दिने गरी नेतृत्व गर्न पाएकोमा कृतज्ञ छौं । धन्यवाद ।

२०२४जापान आर्टिकल-IVपरामर्श मिशनको समापनसमारोहमा गत फेब्रुअरी ९ मा आयोजितपत्रकार सम्मेलनमाअन्तर्राष्ट्रिय मुद्रा कोषकीप्रथम उप-प्रबन्ध निर्देशक गीता गोपीनाथद्वारागरिएको सम्बोधन लोकान्तरका लागि ईश्वर अर्यालले भावानुवाद गरेका हुन् ।