भारतमा जारी इन्डियन प्रिमियर लिग (आईपीएल) क्रिकेटमा राजस्थान रोयल्स (आरआर)ले अपराजित यात्रा कायमै राखेको छ । शनिवार राति रोयल च्यालेन्जर्स बैंग्लोर (आरसीबी)लाई ६ विकेटले हारउँदै गुजरातले अपराजित यात्रा कायमै राखेको हो । 

विराट कोहलीको शतकीय पारि खेलेपनि उनले बैंग्लोरलाई जीत दिलाउन सकेनन् । यसर्थ उनको शतक निराशामा परिणत भयो । 

बैंग्लोरले पहिला ब्याटिङ गर्दै ३ विकेट गुमाएर १८३ रन बनाएको थियो । जवाफमा राजस्थानका लागि जोस बटलरले शतकीय पारि खेल्दै अपराजित यात्रालाई कायमै राखे ।

टस हारेर पहिला ब्याटिङ गरेको बैंग्लोरले उत्कृष्ट शुरूवात गरेको थियो । पहिलो विकेटका लागि कोहली र कप्तान फाफ डू प्लेसिसले १२५ रनको साझेदारी गरेका थिए ।  प्लेसिस ३३ बलमा ४४ रनको पारि खेलेर आउट हुँदा २ चौका र २ छक्का प्रहार गरे । कोहलीले अविजित ११३ रनको शतकीय पारि खेले । उनले ७२ बल फेस गर्दा ४ छक्का र १२ चौका हिर्काए ।

ग्लेन म्याक्सवेल १ रनमा आउट हुँदा सौरभ चौहान ९ रनमा पभेलियन फर्किए । क्यामरन ग्रीन ५ रनमा नटआउट रहेका थिए । राजस्थानका युजवेन्द्र चहलले २ तथा नान्द्रे बर्गरले १ विकेट लिए ।

यता १८४ रनको लक्ष्यसहित मैदान उत्रिएको राजस्थानले शुरूवात भने खराब रह्यो । यशश्वी जयसवाल खाता नै नखोल्दै पभेलियन फर्किए । त्यसपछि जोस बटलर र कप्तान सन्जुसामसन मिलेर टिमलाई अघि बढाए । यी २ खेलाडीले १४८ रनको साझेदारी गर्दै जीतको आधार तय गरे । कप्तान सञ्जु सामसन ४२ बलमा ६९ रनको अधर्शतकीय पारि खेल्दै आउट भए । उनले २ छक्का र ८ चौका प्रहार गरे ।

रियान पराग ८ तथा ध्रुव जुरेल २ रनमा आउट भए पनि जोस बटलरले नटआउट १०० रनको शतकीय पारि खेल्दै जीत दिलाए । उनले ५८ बलमा ४ छक्का र ९ चौका प्रहार गरे । उनलाई अन्त्यमा सिमरन हटमायरले साथ दिए । हटमायरले ६ बलमा २ चौका प्रहार गर्दै ११ रनको नटआउट पारि खेले ।

बैंग्लोरका रिसे टोप्लेले २ विकेट लिए । लगातार ४ खेलमा जीत निकालेको राजस्थान ८ अंकका साथ तालिकाको शीर्ष स्थानमा रहेको छ । दोस्रो स्थानमा कोलकाता नाइट राइडर्स ६ अंकसहित रहँदा पराजित भएको बैंग्लोर २ अंकका साथ आठौं स्थानमा छ । उसको यो लगातार तेस्रो हार हो ।