इंडियन प्रिमियर लिग (आईपीएल) अन्तर्गत चेन्नई सुपर किंग्सले सहज जीत दर्ता गरेको छ । सोमबार राति सम्पन्न खेलमा चेन्नईले कोलकत्ता नाइट राइडर्सविरुद्ध ७ विकेटको जीत निकालेको हो ।

कोलकत्ताले दिएको १३८ रनको सामान्य लक्ष्य चेन्नईले १७.४ ओभरमा ३ विकेट गुमाएर पुरा गर्‍यो । चेन्नईको जितमा कप्तान रुतुराज गाइक्वाडले अविजित ६७ रन बनाए । 

शिभम दुबेले २८ तथा ड्यारिल मिचेलले २५ रन बनाउँदा रचिन रवीन्द्रले १५ रन जोडे ।

कोलकत्ताका लागि वैभव अरोराले २ तथा सुनिल नरिनले १ विकेट लिए ।

त्यसअघि चेपकमा टस हारेर पहिले ब्याटिङ गरेको कोलकत्ताले निर्धारित २० ओभरमा ९ विकेट गुमाउँदै १३७ रन बनाएको थियो । कोलकत्ताका लागि श्रेयस ऐयरले बनाएको ३४ रन नै सर्वाधिक रह्यो । यस्तै नरिनले २७ तथा आँगृष रघुवंशीले २४ रन जोडे । अन्य ब्याटरको उल्लेखनीय प्रदर्शन रहेन ।

चेन्नईका लागि तुशार देशपाण्डे र रवीन्द्र जडेजाले समान ३-३ विकेट लिँदा मुस्तफिजुर रहमानले २ तथा महिश थिकसनाले १ विकेट लिए ।

कोलकत्ता भने चौथो खेलमा पहिलो हात बेहोर्दै दोस्रो स्थानमा छ ।