×

६ किलो सुनसहित पक्राउ परेका सोनाम

​​'मिस्टर राइट'को नाममा तस्करीको सेटिङ, ६१ किलो सुन तस्करीमा पनि कनेक्शन

क्रिप्टोमार्फत सुनमा लगानी, छद्म नाममा लुकीछिपी

काठमाडाैं | असार ३, २०८१

​त्रिभुवन अन्तर्राष्ट्रिय विमानस्थल हुँदै ब्रेक प्याडमा करिब ६१ किलो सुन तस्करी घटनामा संलग्न मध्येका फरार चिनियाँ नागरिक सोनाम गुरुङ उर्फ ‘मिस्टर राइट’ अन्ततः पक्राउ परेका छन् ।

प्रहरीको केन्द्रीय अनुसन्धान ब्यूरो (सीआईबी)ले विस्तृत अनुसन्धानका क्रममा गुरुङको संलग्नता पुष्टि गरेको भए पनि उनी फरार थिए ।


Advertisment

मोटरसाइकलको ब्रेक प्याडमा सुन लुकाएर ल्याउँदा गुरुङले क्रिप्टोमार्फत लगानी गरेको प्रहरी अनुसन्धानबाट खुलेको छ ।


Advertisment

प्रहरीका अनुसार गुरुङले आफूलाई शेरब ग्याल्मो भनेर समेत चिनाउँथे ।

छद्म नाममा बौद्धमा लुकेर बसेका मिस्टर राइटको सेटिङमा विमानस्थल हुँदै ब्रेक प्याडमा सुन तस्करी हुँदै आएको थियो । उनले सुनमा क्रिप्टोमार्फत भुक्तानी गर्ने गरेको सीआईबीको निष्कर्ष छ । गुरुङले क्रप्टोमार्फत सुनमा एक अर्बभन्दा बढी भुक्तानी गरेको सीआईबीको अनुसन्धानबाट खुलेको छ ।

२०८० असार २ मा राजस्व अनुसन्धान विभागको टोलीले सिनामंगलस्थित त्रिवि भन्सार कार्यालय परिसर बाहिर बा २ ज २३२४ नम्बरको ट्याक्सीमा १६० सेटसहित ८ कार्टुन मोटरसाइकलको ब्रेक प्याड ​बरामद गरेको थियो । बरामद भएको उक्त ब्रेक प्याडमा अवैध सुन भएको पुष्टि भएको थियो ।

तत्कालीन समयमा भन्सारले अन्य सरकारी प्रतिनिधि राखेर ब्रेक प्याडमा लुकाइएको सुनको भाग छुट्याउँदा ६०.७१६ केजी सुन रहेको पुष्टि भएको थियो ।

६ किलो सुन र ४८ लाख रुपैयाँसहित पक्राउ परेका गुरुङले यूएसडीटीमार्फत क्रिप्टोको समेत कारोबार गर्ने गरेको सीआईबीले फेला पारेको छ ।

प्रहरीले उनको साथबाट तीन वटा मोबाइल र सोनाम गुरुङको नाममा रहेको नेपाली नागरिकताको प्रमाणपत्र समेत फेला पारेको छ। उनले सोही नागरिकताबाट नेपालमा अन्य आर्थिक कारोबार गर्दै आएको आशंका प्रहरीको छ । 

सीआईबीका प्रमुख प्रहरी अतिरिक्त महानिरीक्षक (एआईजी) श्यामलाल ज्ञवालीका अनुसार गुरुङ लामो समयदेखि खोजी गरेका व्यक्ति हुन् । ‘ गुरुङले आफूलाई मिस्टर राइट र शेरब ग्याल्बो भनेर परिचित गराउँदै आएका थिए, भागेर लुकीलुकी बस्दै आएका उनलाई विशेष सूचनाको आधारमा बौद्धबाट नियन्त्रणमा लिन सफल भएका हौं,’ ज्ञवालीले लोकान्तरसँग भने,‘ क्रिप्टोमार्फत उनले लगानी गरेको देखिन्छ ।’​

सीआईबीका प्रवक्ता एसपी होबिन्द्र बोगटीले सुन तस्करीमा संलग्न गुरुङमाथि थप अनुसन्धान भइरहेको बताए ।

उनका अनुसार संगठित रुपमा अपराधको सञ्जाल बनाएर यो समूहले क्रिप्टोकरेन्सी, एलिने, एएनटीपे, ग्लोबपे, वीनपेलगायतका डिजिटल वालेटबाट भुक्तानी गरेको देखिएको छ । पछिल्लो पटक सीआईबीले पूरक समिति बनाएर गरेको अनुसन्धानमा सजिलो पे र पेवेलमार्फत एक वर्षमा एक खर्ब ८ अर्बको कारोबार गरेको तथ्य समेत फेला पारेको छ ।

सीआईबीले सुन तस्करीसँग सम्बन्धित रहेर आर्थिक कारोबार गरेको आरोपमा भारतको महाराष्ट्रस्थित सांगली जिल्ला जततालुका सिद्धार्थ भन्ने सिद्धनाथ अशोक गायकवाड, महाराष्ट्रस्थित सांगली जततालुकै धिरज दिनेश भोइटे र महाराष्ट्रस्थित पुने हाडप्सरलक्ष्मी कोलोनीका प्रशान्त गणेश बजबलकरलगायत १७ जनलाई पक्राउ गरेर अनुसन्धान गरिरहेको छ ।

ब्रेक प्याडमा सुन तस्करीको विषय छानबिन गर्न सरकारले पूर्व न्यायाधीश डिल्लीराज आचार्यको संयोजकत्वमा सुनको अवैध पैठारी (तस्करी) नियन्त्रणसम्बन्धी जाँचबुझ आयोग, २०८० गठन गरेको थियो ।

उक्त आयोगको प्रतिवेदनमाथि सीआईबीले अध्ययन गरेर तस्करीमा संलग्न थप व्यक्तिहरूलाई पक्राउ गरेको हो ।

यही प्रकरणमा भारतको दिल्लीबाट २ नेपाली पनि पक्राउ परेका छन् ।

जेठ १०, २०८१

मुगु– मुगुस्थित रारा विमानस्थलमा जहाजले ठक्कर दिँदा सोही विमानस्थलमा कार्यरत एक कर्मचारी घाइते भएका छन् । यात्रु बोकेर बाँकेको नेपालगञ्जका लागि उड्ने तयारीमा रहेको सीता एयरको टुइनेटर जहाजको अघिल्लो भ...

कात्तिक २७, २०८०

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...

कात्तिक १७, २०८०

 काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ ।  सामाजिक सञ्जालबाट ‘कल गर्ल’ उपल...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

कात्तिक १५, २०८०

बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...

मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x