इजरायली प्रधानमन्त्री बेन्जामिन नेतान्याहूले अमेरिकी राष्ट्रपति डोनाल्ड ट्रम्पलाई नोबेल शान्ति पुरस्कारको लागि मनोनित गरेका छन् । नेतान्याहूले मंगलबार ह्वाइट हाउसमा ट्रम्पलाई यसबारे जानकारी गराएका हुन् ।

नेतान्याहूले भने, 'म तपाईंलाई नोबेल पुरस्कार समितिलाई पठाएको पत्र देखाउन चाहन्छु। यसमा, तपाईंलाई शान्ति पुरस्कारको लागि मनोनित गरिएको छ, जुन तपाईं पूर्ण रूपमा हकदार हुनुहुन्छ र तपाईंले पाउनुपर्छ।'

मध्य पूर्वमा शान्तिको लागि ट्रम्पको प्रयासलाई ध्यानमा राखेर यो निर्णय लिइएको उनले बताए । यसअघि पाकिस्तानले पनि ट्रम्पलाई नोबेलको लागि मनोनित गरेको थियो । पाकिस्तानले भारत-पाकिस्तान युद्धको समयमा ट्रम्पको कूटनीतिक पहल र मध्यस्थताले ठूलो युद्ध रोक्न मद्दत गरेको बताएको छ।

नोबेल पुरस्कार २०२६ को लागि आधिकारिक दर्ता सेप्टेम्बरमा शुरू हुनेछ। यद्यपि, अन्तिम मिति अझै घोषणा गरिएको छैन। २०२५ को नोबेल शान्ति पुरस्कारको लागि मनोनयनको अन्तिम मिति जनवरी ३१ थियो।

२०२५ को नोबेल शान्ति पुरस्कारको लागि ३३८ मनोनयन गरिएको थियो। यी मध्ये २४४ व्यक्ति र ९४ संस्थाहरू थिए। २०२३ मा, यस पुरस्कारको लागि २८६ उम्मेदवारहरू मनोनित भएका थिए। २०१६ मा सबैभन्दा धेरै ३७६ मनोनयनहरू थिए।