२८ असार २०८३, आइतबार
प्यालेस्टिनी प्राधिकरणका अध्यक्ष महमूद अब्बास अर्को महिना न्यूयोर्कमा हुने संयुक्त राष्ट्रसंघको महासभाको बैठकमा भाग लिन नपाउने भएका छन् ।
अमेरिकी विदेश मन्त्रालयले उनको र ८० अन्य प्यालेस्टिनी अधिकारीहरूको भिसा रद्द गरिएको पुष्टि गरेको छ।
अमेरिकी विदेशमन्त्री मार्को रुबियोले शान्तिका लागि भइरहेका प्रयासहरूलाई कमजोर बनाएको र 'काल्पनिक प्यालेस्टिनी राज्यको एकतर्फी मान्यता' माग गरेको आरोप लगाएका छन् ।
इजरायलले अमेरिकाको यो निर्णयको स्वागत गरेको छ।
यो कदमलाई असामान्य मानिएको छ, किनकि सामान्यतया अमेरिकाले संयुक्त राष्ट्रसंघको मुख्यालयमा भ्रमण गर्ने सबै देशका अधिकारीहरूको यात्रालाई सहज बनाउने र यसका लागि सुविधा प्रदान गर्ने अपेक्षा गरिएको छ।
यो प्रतिबन्ध यस्तो समयमा लगाइएको हो जब फ्रान्सले संयुक्त राष्ट्रसंघको सत्रमा प्यालेस्टाइनलाई स्वतन्त्र देशको रूपमा मान्यता दिन अन्तर्राष्ट्रिय प्रयासहरूको नेतृत्व गरिरहेको छ।
अमेरिकी राष्ट्रपति डोनाल्ड ट्रम्पको सरकारले फ्रान्सको यो कदमको विरोध गरिरहेको छ।
