२२ असार २०८३, सोमबार
तान्जानियाको मुख्य विपक्षी दलले बुधबारको आम चुनावपछि तीन दिनको विरोध प्रदर्शनमा सयौंको मृत्यु भएको बताएको छ।
मृत्यु हुनेको संख्यासम्बन्धी दाबी फरक-फरक छ र राष्ट्रव्यापी इन्टरनेट बन्दले यी तथ्याङ्कहरू प्रमाणित गर्न गाह्रो बनाएको बीबीसीले जनाएको छ ।
विपक्षी दलका प्रवक्ता चाडेमाले एएफपीलाई बताएअनुसार सुरक्षा बलसँगको झडपमा लगभग ७०० जनाको मृत्यु भएको छ । तान्जानियाको एक कूटनीतिक स्रोतलाई उदेधृत गर्दै बीबीसीले पनि कम्तिमा ५०० जनाको मृत्यु भएको संकेत गरेको छ ।
सरकारले हिंसाको स्तरलाई कम आँकलन गर्ने प्रयास गरिरहेको छ र अशान्ति रोक्न कर्फ्यू बढाएको समाचारमा उल्लेख छ ।
धेरैजसो युवाहरू चुनावलाई अनुचित भन्दै देशभरका धेरै शहरहरूमा सडकमा उत्रिएका थिए ।
प्रदर्शनकारीहरूले सरकारले प्रमुख विपक्षी नेताहरूलाई दबाएर लोकतन्त्रलाई कमजोर बनाएको आरोप लगाएका छन् ।
