०३ साउन २०८३, आइतबार
पोखरा अन्तर्राष्ट्रिय विमानस्थल निर्माणमा भ्रष्टाचार भएको निष्कर्षसहित अख्तियार दुरुपयोग अनुसन्धान आयोगको टोली विशेष अदालतमा पुगेको छ ।
केही पूर्वमन्त्रीलाई समेत प्रतिवादी बनाएर अख्तियारले भ्रष्टाचार मुद्दा दायर गर्न लागेको हो ।
८ अर्ब बिगो दाबीसहित ५ जना पूर्वमन्त्रीलाई प्रतिवादी बनाइएको अख्तियार स्रोतले जानकारी दियो ।
पूर्वमन्त्री डा. रामशरण महत, स्व. पोष्टबहादुर बोगटी, रामकुमार श्रेष्ठ, दीपक अमात्यलगायलाई विपक्षी बनाइएको छ ।
मुद्दा दर्ता हुने प्रक्रियामा रहेको विशेष अदालतका प्रवक्ता कृष्णशरण लामिछानेले लोकान्तरलाई जानकारी दिए ।
नागरिक उड्डयन प्राधिकरणका निलम्बित महानिर्देशक प्रदीप अधिकारीसहित क्यानका पदाधिकारीलाई पनि प्रतिवादी बनाइएको छ ।
विघटित प्रतिनिधि सभाको सार्वजनिक लेखा समितिले पोखरा विमानस्थलमा घोटाला भएको निष्कर्षसहित अनुसन्धान गर्न अख्तियारलाई फाइल पठाएको थियो ।
यो पनि पढ्नुहोस् :
गलत डिजाइन स्वीकार गरेर निर्माण, पोखरा अन्तर्राष्ट्रिय विमानस्थलको उपादेयतामै प्रश्न
