×

NIC ASIA

राजनीतिक दलको वित्तीय पारदर्शिता

देउवा सभापति बनेपछि आर्थिक रूपमा पनि खस्कियो कांग्रेस, ४ वर्षदेखि निरन्तर घाटामा

असार १९, २०७६

Prabhu Bank
NTC
Premier Steels

काठमाडौं – लामो समय सत्ताको नेतृत्व गरेर अहिले प्रतिपक्षमा पुगेको नेपाली कांग्रेस घाटामा गएको छ ।

Muktinath Bank

तत्कालीन कार्यवाहक सभापति रामचन्द्र पौडेलले १३ औं महाधिवेशनबाट देउवालाई पार्टी नेतृत्व सुम्पिँदा आर्थिक वर्ष २०७१/७२ सम्म नेपाली कांग्रेस ६ करोड बढी बचतमा थियो तर देउवा सभापति भएपछि पार्टीको आर्थिक अवस्था खस्किँदै गएको छ ।


Advertisment
RMC TANSEN
IME BANK INNEWS
shivam ISLAND

देउवा सभापति भएर कार्यकाल सकिनैलाग्दा कांग्रेस पार्टी हाल करीब २ करोड घाटामा डुबेको छ । देउवाको नेतृत्वमा कांग्रेसले निर्वाचन त जितेन नै, उल्टै पार्टी निरन्तर घाटामा डुबेको छ ।


Advertisment
Nabil box
Kumari

प्रतिनिधिसभा र प्रदेशसभा निर्वाचनमा पराजित भएपछि प्रतिपक्षमा बस्ने अवस्थामा पुगेको कांग्रेस लगातार ४ वर्षदेखि घाटामा डुबेको छ । २०७२ फागुनमा सम्पन्न तेह्रौं महाधिवेशनमा शेरबहादुर देउवा सभापति बनेका थिए । देउवा सभापति हुनुअघि २०७२ सालको लेखापरीक्षणले कांग्रेस ६ करोडभन्दा बढी बचतमा रहेको देखाएको थियो ।

Vianet communication

महाधिवेशन र त्यसपछिका तीनै तहका चुनावमा करोडौं खर्च भएपछि कांग्रेस हालसम्म घाटाबाट उम्किन सकेको छैन । पछिल्लो लेखापरीक्षण प्रतिवेदन अनुसार आर्थिक वर्ष २०७४/७५ असारसम्म कांग्रेसको घाटा १ करोड ९४ लाख ३७ हजार २ सय १६ रहेको छ । 

सभापति देउवाले न चुनाव जिताए, उल्टै घाटामा पुर्‍याए !

आर्थिक वर्ष २०७१/७२ मा कांग्रेसले ८ करोड ११ लाख आम्दानी गरेको लेखापरीक्षण प्रतिवेदनले देखाएको छ । सोही आर्थिक वर्षमा कांग्रेसको कूल खर्च भने जम्मा १ करोड ४७ लाख थियो भने बचत ६ करोड ६४ लाख १८ हजार ७ सय ४९ थियो । २०७० सालको दोस्रो संविधान सभाको चुनावपछि देशभरिमा पहिलो पार्टी बनेको कांग्रेसले २०७० सालको फागुनमा स्व. सुशील कोइरालाको नेतृत्वमा सरकार गठन गर्‍यो ।

संविधान जारी भएपछि २०७२ असोज २५ गते तत्कालीन एमालेका अध्यक्ष केपी शर्मा ओलीको नेतृत्वमा सरकार बनेपछि कांग्रेस सत्ताविमुख बन्यो र प्रतिपक्षीको बेञ्च सम्हाल्यो । यही अवधिमा ६ करोडभन्दा धेरै बचत गर्न सफल कांग्रेसले २०७२ सालको फागुनमा शेरबहादुर देउवाको नेतृत्व पायो । देउवा आएपछि कांग्रेस निरन्तर घाटामा छ । प्रतिवेदनले कांग्रेस महाधिवेशनमा मात्र ४ करोड ३२ लाख खर्च गरेको उल्लेख गरेको छ भने भूकम्प पीडितलाई राहत वितरण गर्न १ करोड ८१ लाख खर्च गरेको देखाएको छ । त्यसपछि कुनै बेला ६ करोड बचत रहेको कांग्रेस अढाई करोड घाटामा फस्यो । 

जिताउन नसकेको त्यो चुनावको घाटा

२०७४ सालको वैशाखबाट शुरू भएको स्थानीय तहको चुनाव ३ चरणमा सम्पन्न भएको थियो भने प्रादेशिक र संघीय संसदको निर्वाचन २ चरणमा सम्पन्न भएको थियो । लेखापरीक्षण प्रतिवेदनका अनुसार चुनाव खर्चका रूपमा कांग्रेसले जम्माजम्मी ६ करोड ७६ लाख खर्च गरेको छ ।

निर्वाचनमा भएको दलगत खर्चको विवरण हामीले निर्वाचन आयोगबाट पनि लिन खोजेका थियौं । निर्वाचन आयोगका उपन्यायाधिवक्ता तथा राजनीतिक दल व्यवस्थापन शाखा प्रमुख रुद्रप्रसाद सुवेदीले निर्वाचन आयोगमा रहेको दलगत खर्चको विवरण अहिले उपलब्ध नभएको जानकारी दिए ।

‘सत्तामा पुगेपछि पार्टीलाई बिर्सने रोग कांग्रेसको पुरानो हो, नेता मोटाउने र पार्टी दुब्लाउने काम भइरहेको छ,’ एक पूर्व केन्द्रीय सदस्यले लोकान्तरसँग भने ।

चल्नै नसक्ने गरी घाटामा छैनौं : मुख्यसचिव पौडेल

कांग्रेस केन्द्रीय कार्यालयका मुख्यसचिव कृष्ण पौडेलले कांग्रेससँग जगेडा कोष रहेकाले घाटामा डुबेको भन्न नमिल्ने तर्क गरे । ‘लेखापरीक्षण प्रतिवेदनले कांग्रेस घाटामा रहेको देखाएपनि कांग्रेससँग जगेडा कोष छ, हामी चल्नै नसक्ने गरेर घाटामा डुबेका छैनौं,’ पौडेलले भने, ‘कांग्रेस पारदर्शी पार्टी भएकाले आर्थिक रूपमा कमजोर छैन ।’ 

हरेक दिनको प्रशासनिक खर्च आफैंले अद्यावधिक गर्ने पौडेलले बताए । ‘दैनिक खर्चमा कहीँकतै अपारदर्शिता भेटिएमा त्यो स्वीकृत हुँदैन,’ पौडेलले लोकान्तरसँग भने, ‘पार्टीको कार्यतालिका अनुसार हामीले प्रत्येक महिनाको अनुमानित खर्च निकाल्छौं र त्यही अनुसारको ‘पेट्टी क्याश’को व्यवस्था गर्छौं । चन्दादाताहरूले दिएको रकम पनि हाम्रोमा उत्तिकै पारदर्शी छ ।’

hAMROPATRO BELOW NEWS
TATA Below
जेठ ४, २०८१

जनताको सेवाका लागि राजनीति गरेको दाबी गर्ने नेताहरू मन्त्री बनेलगत्तै जीवनशैली बदलेर विलासी बन्न खोज्छन् । २ महिनाअघि सरकारमा सहभागी मन्त्रीहरूले पनि निवासमा विलासिताका सामान जोड्न प्रतिस्पर्धा गरेको पाइएको ...

माघ २४, २०८०

काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...

पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

पुस १९, २०८०

यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा  कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...

पुस २०, २०८०

मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

जेठ १६, २०८१

जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

x