यी हुन् संसारका सबभन्दा खतरनाक देश

लिबिया र सोमालियालाई संसारकै सबभन्दा खतरनाक देशका रूपमा ट्राभल रिस्क म्यापले चित्रण गरेको छ । 

यात्रीहरूलाई विदेश जाँदा हुने जोखिमका बारेमा सचेत गराउनका लागि यो नक्सा जारी गरिएको हो । 


Advertisement

यस नक्सामा रातो लगाइएका देशहरूमा सडक सुरक्षा, अशान्तिजन्य सुरक्षा र स्वास्थ्य समस्याले यात्रीलाई समस्यामा पार्ने बताइएको छ । 


Advertisement

सबभन्दा सुरक्षित देशहरूमा फिनल्यान्ड, नर्वे र आइसल्यान्ड छन् र ती सबै नर्डिक मुलुक हुन् । 

यस नक्सालाई अन्तर्राष्ट्रिय स्वास्थ्य तथा सुरक्षा विशेषज्ञहरू इन्टरनेसनल एसओएसले जारी गरेको हो । 

लिबिया र सोमालिया सबै तीन वर्गमा सबभन्दा तल्लो तहमा छन् । अर्थात् ती देशमा भ्रमण गर्नु अत्यन्तै खतरनाक छ । त्यसपछि अफगानिस्तान र भेनेजुएला आउँछन् । 

स्वास्थ्यको कुरा आउँदा संक्रमणको उच्च जोखिम भएका देशमा अफ्रिकी मुलुकहरू नाइजर, गिनी, सिएरालियोन, लाइबेरिया, दक्षिण सुडान लगायतका देश छन् । 

त्यसको विपरीत रोगको अत्यन्त कम जोखिम भएका देशमा अधिकांश युरोपेली मुलुक, क्यानडा, अमेरिका, न्युजील्यान्ड, अस्ट्रेलिया, दक्षिण कोरिया र जापान पर्छन् । 

सुरक्षाको दृष्टिकोणबाट अत्यन्तै जोखिमपूर्ण देशमा अफगानिस्तान, सिरिया, यमन, इराक, सोमालिया, लिबिया र नाइजेरियाका केही भाग परेका छन् । 

सुरक्षा जोखिम नगण्य भएका देशमा नर्वे, ग्रीनल्यान्ड, फिनल्यान्ड, आइसल्यान्ड, स्विट्जरल्यान्ड र स्लोभेनिया छन् ।

एजेन्सी

कमेन्ट गर्नुहोस्