कात्तिक २०, २०८०
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
मंसिर २८, २०७६
धनुषाको इलाका प्रहरी कार्यालय महेन्द्रनगरमा इन्चार्जको रुपमा कार्यरत प्रहरी निरीक्षक (इन्सपेक्टर) अमिर दाहालको शनिवार बिहान ७ बजे मृत्यु भयो । धनुषाको क्षिरेश्वरनाथ नगरपालिका–५ स्थित राजेश साहको घरको ग्रीलको गेटमा केही शंकास्पद वस्तु झुण्ड्याइएको देखिएपछि घरधनी शुक्रवार राति करीब ११ बजेतिर प्रहरी कार्यालय पुगेका थिए ।
घरधनीको जानकारीपछि इन्सपेक्टर दाहाल स्वयं केही प्रहरीसहित घटनास्थल निरीक्षण गर्न पुगेका थिए । निरीक्षणकै क्रममा शंकास्पद वस्तु छाम्दा दाहालको निधन भयो ।
राजेशको घरको गेटमा रातो कपडामा केही शंकास्पद वस्तु राखिएको थियो । पिशाब गर्न बाहिर आएको बेला शंकास्पद वस्तु ग्रीलमा झुण्डिएको देखेपछि प्रहरीलाई खबर गरिएको स्थानीयले जनाएका छन् ।
रातो कपडा देखेपछि राजेशले घरका सबैलाई बुवा भिखारी साह बस्ने अर्कै घरमा पुर्याए । त्यसपछि राजेश प्रहरीलाई खबर गर्न गए । राजेशले प्रहरी कार्यालयमा खबर गरेलगत्तै दाहाल घटनास्थल पुगेका थिए । ग्रीलसहित गेट खोलेर राजेश घरबाट आफैं पनि बाहिर आएका थिए । परिवारका सबै सदस्यलाई बाहिर ल्याउँदासम्म झोलामा राखिएको शंकास्प्पद वस्तु विस्फोट भएको थिएन ।
सबै घटनाक्रम सुनेपछि इन्सपेक्टर दाहालले ‘तर्साउनका लागि सामान्य वस्तु झोलामा राखेको हुनसक्ने’ भन्दै झोलालाई आफैं समातेर छाम्न थाले । ‘केही पनि होइन, त्यसै तर्साउनका लागि मात्रै राखिएको हो’ भनेर दाहालले भन्दैगर्दा झोलामा राखिएको शंकास्पद वस्तु ठूलो आवाजमा विस्फोट भयो,’ बम विस्फोटबाट घाइते भएका भिखारी साहले भने ।
रातो झोलामा बम नै भएको रत्तिभर पनि शंका लागेको भए नजिकै महेन्द्रनगरमै नेपाली सेनाको गणबाट बम डिस्पोजल टोली झिकाउन सकिन्थ्यो तर दाहालले बम भएको ठम्याउन सकेनन् र विस्फोटमा परेर ज्यान गुमाए । विस्फोटमा परेर स्थानीय राजेशसहित उनका छोरा आनन्दको समेत मृत्यु भयो भने अन्य ४ जना घाइते भएका छन् ।
बममा ‘टाइमर’ जडान भएको थियो वा रिमोर्ट थिचेर बम पड्काइएकोबारे प्रहरीले अनुसन्धान अगाडि बढाएको छ ।
असईदेखि इन्स्पेक्टरसम्मको यात्रा
इन्सपेक्टर दाहालको घर संखुवासभा हो । संखुवासभाको मादी नगरपालिका–२ स्थित घर भएका दाहाल २०५५ कात्तिक १ गते प्रहरी सहायक निरीक्षक (असई) मा भर्ना भएका थिए । उनी २०६० असोज ९ गते प्रहरी नायव निरीक्षक (सई) मा बढुवा भए । त्यसपछि २०७५ वैशाख १९ गते प्रहरी निरीक्षकमा बढुवा भएका दाहाल २०७५ कात्तिक ३० गतेदेखि धनुषामा कार्यरत थिए ।
इलाका प्रहरी कार्यालय धनुषाधामको कार्यालय प्रमुख भएर काम गरेका दाहाल करीब १ वर्षदेखि इलाका प्रहरी कार्यालय महेन्द्रनगरमा कार्यरत थिए । प्रहरीमा भर्ना भएदेखि हालसम्म उनले ३ पटक पुरस्कार पाइसकेका छन् । प्रहरीमा अब्बल तथा इमान्दार मानिने दाहाल असईदेखि इन्सपेक्टरसम्म भएका थिए ।
जिल्ला प्रहरी कार्यालय धनुषाका प्रहरी निरीक्षक अवधेश यादवका अनुसार दाहाल सई हुँदा करीब १४ वर्षजति पूर्व प्रधानमन्त्री तथा नेकपा वरिष्ठ नेता झलनाथ खनालका निजी सुरक्षा अधिकारी (पीएसओ) रहेका थिए ।
मृतक दाहालको सामाजिक सञ्जाल फेसबूक हेर्दा उनको विवाह रेशमा दाहालसँग भएको देखिन्छ । उनको पारिवारिक तस्वीरमा एउटा छोरा समेत देखिन्छन् ।
‘प्रहरी निरीक्षक दाहालले आफ्नो कामबाट सबै स्थानीयको मन जित्न सफल हुनुभएको थियो,’ क्षिरेश्वरनाथ नगरपालिकाका मेयर योगेन्द्र पजियारले भने, ‘उहाँले सबै जनताको मन जित्न सफल भएकै कारण स्थानीयसहित नगरवासी समेत दुःखी भएका छन् ।’
देशले एउटा असल प्रहरी अधिकारी गुमाउनुपरेको उनले बताए । ‘जनतासँग व्यवहार गर्दा, बोल्दा अति नै मिजासिलो भएर पोलाइट किसिमले बोल्ने गरेका इन्स्पेक्टर दाहालको निधन हुँदा हामी मर्माहत भएका छौं,’ मेयर पजियारले भने ।
जिल्ला प्रहरी कार्यालय धनुषामा अनुसन्धान अधिकृतको रुपमा कार्यरत प्रहरी निरीक्षक उमाशंकरप्रसाद साहले एउटा असल साथी गुमाउनुपरेको बताए । घटनाको अनुसन्धानमा खटिएका साहले भने, ‘उहाँ इन्चार्जको रुपमा त्यहाँ खटिनुभएको थियो, हालसम्म कुनै पनि विवाद, राजनीतिक आग्रह वा पूर्वाग्रह तथा पक्षपात आदिको कुनै सिकायत आएको थिएन ।’
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...