कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
कर्णाली प्रदेशको राजधानी वीरेन्द्रनगरमा रहेको हुलाक निर्देशनालयका कर्मचारी काम नपाएर बसिरहेका भेटिन्छन् ।
निर्देशनालयले ‘रजिस्ट्री’ चिठी आदानप्रदान र साधारण चिठी आदानप्रदानको काम गर्छ तर सेवाग्राही खासै आउँदैनन् ।
दैनिकरुपमा बढीमा ६ वटा मात्रै साधारण चिठी हुलाकबाट पठाउन सेवाग्राही आउने गरेका कार्यालयले जनाएको छ । अनलाइन माध्यमबाट चिठी दर्ता गर्ने गरेको हुलाकले २०७४ माघ २ देखि २०७५ माघ २ गतेको अवधिमा १४ हजार ४४१ वटा मात्र ‘रजिस्ट्री’ पत्र पठाएको छ । सोवापत ५ लाख १८ हजार ६६६ रुपैयाँ राजस्व संकलन गरेको छ ।
कार्यालयले सो अवधिमा १७ हजार ३२९ वटा चिठी पठाएको छ । चिठी पठाएबापत हुलाकले ६ लाख ५६ हजार २५१ रुपैयाँ राजस्व संकलन गरेको छ । भेरी, राप्ती र कर्णालीका १५ जिल्लामा निजी कुरियर सर्भिस च्याउसरी उम्रिँदै फस्टाइरहेका बेला हुलाकको अवस्था दयनीय छ ।
संघीय सरकारको अधिनमा रहेको निर्देशनालयले ‘हुलाक टिकट’ समेत बिक्री गर्दै आएको छ । आर्थिक वर्ष २०७४/०७५ मा २३ लाख ७७ हजार ९१० रुपैयाँको टिकट बिक्री गरेको निर्देशनालयले आर्थिक वर्ष २०७५/०७६ मा २५ लाख ८६ हजार ८६५ र चालू आर्थिक वर्षको पुस मसान्तसम्म १३ लाख ७२ हजार १०० रुपैयाँको टिकट बिक्री गरेको छ ।
सुर्खेत डाक सेवा कार्यालयले बचत बैंक खाता कार्यक्रम सञ्चालनमा ल्याएपनि आकर्षण देखिएको छैन । नागरिक तथा हुलाकका कर्मचारीले ५०० तिरेर बैंक खाता खोल्न सकिने र अन्य बैंकभन्दा बढी ६ प्रतिशत ब्याज दिने गरेको भएपनि सेवाग्राही खाता खोल्न आकर्षित हुन सकेका छैनन् । बचत खाता खोल्न शुरू गरिएको अवधिदेखि हालसम्म ७८० जनाले मात्रै हुलाकमा बचत खाता खोलेका छन् ।
हुलाका बचतमा आर्थिक वर्ष २०७४/०७५ मा ११ करोड ९८ लाख १० हजार १७ रुपैयाँ बचत भएको थियो । हुलाक बचत बैंकमा आर्थिक वर्ष २०७५/०७६ मा गत आर्थिक वर्षको बचत रकमभन्दा घटेर ९ करोड ३१ लाख ५ सय १७ रुपैयाँ मात्र जम्मा भएको थियो । चालू आर्थिक वर्षको हालसम्म आइपुग्दा बैंकमा २ करोड ४८ लाख २४ हजार ८९४ रुपैयाँ बचत भएको छ ।
हुलाक बचत बैंकमा हाल ३ करोड १० लाख रुपैयाँ निक्षेप रहेको छ । २ करोड ६० लाख रुपैयाँ जनताको निक्षेप रहेको छ । बैंक ५० लाख नाफामा देखिएको हुलाक बचत बैंक सुर्खेत शाखाका नासु टेकबहादुर दर्लामीले बताए ।
हुलाक निर्देशनालयका सूचना अधिकारी एवं शाखा अधिकृत ध्रुवप्रसाद अधिकारी हुलाक सेवाले जनताको विश्वास गुमाउँदै गएको बताउँछन् । ‘भारत तथा अन्य देशहरूमा हेर्नुभयो भने अहिले पनि सरकारी हुलाकप्रति जनताको भरोसा देखिन्छ । कुनै–कुनै देशमा त मानिसलाई पनि हुलाक सेवा दिइ सम्बन्धित स्थानमा पुर्याउने बरु त्यसको उचित रुपैयाँ लिने प्रचलन रहेको मैले सुनेको छु,’ उनले भने, ‘तर हाम्रो देशमा हुलाक सेवालाई ‘लक’ अवस्थामा राखिएको छ । सेवा प्रवाहमा ध्यान दिन नसक्दा र जनताको छिटो सेवा पाउने अपेक्षा पूरा गर्न नसक्दा टिकट बेच्ने थलोका रुपमा हुलाक कार्यालयहरू बनेका छन् ।’
आफू हुलाककै कर्मचारी भएपनि कर्मचारीकै तलब बराबरको राजस्व संकलन नहुँदा दुःख लागिरहेको बताए । ‘नीति निर्माण गर्ने तहले हुलाक सेवालाई प्रभावकारी बनाई छिटो भनेकै हुलाक सेवा भन्ने गरी अघि बढेको भए सायद यस्तो समस्या आउँदैनथ्यो,’ उनले भने, ‘कर्मचारीहरू काम नपाएर बस्नुपर्ने अवस्था छ । यदि जनतामा विश्वास बढाउँदै निजी क्षेत्रभन्दा पृथक ढंगबाट अघि बढ्न सकेको भए अहिले निजी क्षेत्रले पाइरहेको सफलता हुलाक सेवाकै काँधमा हुन्थ्यो ।’
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...