बलिउडमा केही यस्ता कलाकार छन् जो भिन्नभिन्न विषय अध्ययन गरेर रंग संसारमा आएका छन्। ्तीमध्येका हुन् इन्जिनीयरिङको पढाइ सकेर कलाकारिता क्षेत्रमा जमेका भारतीय कलाकारहरु। 

सुशान्तले दिल्ली टेक्नोलोजिकल विश्वविद्यालयमा मेकानिकल इन्जिनीयरिङको अध्ययन गरेका छन्। यद्यपि उनले अभिनेता बन्नका लागि अन्तिम वर्षको पढाइ सकेनन्। उनले बीचमै कलेज छोडिदिए । उनले अल इन्डिया इन्जिनीयरिङ परीक्षामा ७ औं स्थानमा नाम निकालेका थिए। 

बलिउडका नयाँ अभिनेता कार्तिक आर्यनले मुम्बईमा बायोटेक्नोलोजीमा इन्जिनीयरिङ गरेका छन् । 

कृति सेननले दिल्लीको जेपी इन्स्टिच्यूट अफ इनफर्मेशन टेक्नोलोजी, नोएडादेखि इलेक्ट्रोनिक्स र कम्युनिकेशनमा बी टेक गरेकी छन्। 

आर माधवन फिल्म थ्री इडियट्सुमा इन्जिनीयरिङको भूमिकामा छन्। तर उनी वास्तविक जीवनमै इन्जिनीयर हुन् । उनले कोल्हापुरको राजाराम कलेजबाट इलेक्ट्रोनिक्स इन्जिनीयरिङ गरेका छन् । 

सोनू सूदले नागपुरको यशवंतराव चवन कलेजबाट इलेक्ट्रिकल इन्जिनीयरिङको अध्ययन गरेका छन् । 

तापसी पन्नूले कम्प्युटर साइन्समा इन्जिनीयरिङ गरेकी छन्। रितेश देशमुख, विक्की कौशलले पनि इन्जिनीयरिङको अध्ययन गरेका छन् ।