नेकपा माओवादी केन्द्रका अध्यक्ष प्रचण्डले बिहीवार स्थायी कमिटी घोषणा गर्ने तयारी गरेका छन्। काठमाडौंमा जारी केन्द्रीय कमिटी बैठकमा प्रचण्डले स्थायी कमिटी घोषणा गर्ने तयारी गरेका उनीनिकट एक नेताले जानकारी दिए। 

पदाधिकारीमा सहमति जुट्न नसकिरहेको बेला प्रचण्डले स्थायी कमिटी घोषणा गर्न लागेका हुन्। यसअघि स्थायी कमिटीमा रहेका सबैलाइ घटुवा नगर्ने गरी स्थायी कमिटी घोषणा गर्न लागिएको हो। पदाधिकारी र स्थायी कमिटी टुंगाउन केन्द्रीय सदस्यहरूको दबाबपछि दुईदिन बैठक रोकेर स्थायी कमिटी बनाउन लागिएको हो। 

असार १९ गते शुरू भएको केन्द्रीय कमिटी बैठक बिहीवार समापन गर्ने तयारी छ।