नेपालले एसीसी प्रिमियर कप क्रिकेटको फाइनल प्रवेशका लागि चिर परिचित प्रतिद्वन्द्वी संयुक्त अरब इमिरेट्स (यूएई)को सामना गर्ने भएको छ । बुधवार भएको खेलमा घरेलु टोली ओमानले कुवेतविरुद्ध जीत निकालेपछि यूएई समूह उपविजेता बन्दै अन्तिम चारमा पुगेको हो ।

यससँगै यूएईले आफ्नो भेट एसीसी प्रिमियर कपको उपाधि रक्षा गर्ने दाउमा रहेको नेपालसँग पक्का गरेको छ । नेपाल सबै ४ खेलमा जीत निकालेपछि समूह ‘ए’को विजेता बनेको हो ।

नेपाल र यूएई गत संस्करणको फाइनलमा पनि भिडेका थिए ।  

बुधवारको जीतले ओमान ४ खेलमा ८ अंकसहित समूह ‘बी’को विजेता बनेको छ । उपविजेता यूएईको ६ अंक रह्यो ।

यस्तै ओमानले भने हङकङको सामना गर्नेछ । ओमान समूह ‘बी’ विजेता र हङकङ समूह ‘ए’को उपविजेता रहन सफल भएपछि दुईको भेट तय भएको हो ।

नेपाल र यूएईबीचको पहिलो सेमीफाइनल शुक्रवार ११ः४५ बजे हुनेछ । ओमान र हङकङबीचको खेल भने सोही दिन ४ः१५ बजे हुनेछ ।

समूह ‘ए’ मा नेपालले ४ खेलमा शतप्रतिशत नतिजासहित ८ अंक ल्याउन सफल भएको हो भने हङकङको ४ खेलमा ४ अंक रह्यो ।

नेपालले बुधवार मात्रै समूह चरणको अन्तिम साउदी अरेबियालाई ६ विकेटले हराएसँगै ४ खेलमा शतप्रतिशत जीत निकालेको हो ।

नेपालको लगातार चौथो जीत, साउदी अरेबियालाई ६ विकेटले हरायो