काठमाडौँ महानगरपालिकाले विद्यालय समयमा शिक्षकलाई अन्यत्र कार्यमा संलग्न नगराउन आग्रह गरेको छ । 

महानगरले सबै सामुदायिक विद्यालयलाई पत्राचार गर्दै पठनपाठनमा प्रभावित हुने गरी विद्यालय समयभित्र एसईईको उत्तरपुस्तिका परीक्षण गर्नेलगायत अन्य कार्यहरुमा शिक्षकहरुलाई नपठाउन आग्रह गरेको हो । 

महानगरले शिक्षकहरुलाई समेत शिक्षा विभागको सूचनालाई आधार मानी विद्यालयसमयभित्र विद्यालयको नियमित पठनपाठनमा प्रभावित हुने गरी अन्यत्र कार्यमा संलग्न नहुन सचेत गराएको छ ।