इन्डियन प्रिमियर लिग (आईपीएल) क्रिकेटमा सनराईजर्स हैदराबादले रोमाञ्चक जीत हात पारेको छ । गएराति सम्पन्न खेलमा हैदराबादले राजस्थान रोयल्सविरुद्ध १ रनको रोमाञ्चक जीत दर्ता गरेको हो । 

अन्तिम बलसम्म पुगेको खेलमा हैदराबादले राजस्थानलाई १ रनले पराजित गर्‍यो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रन आवश्यकता थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ रनको आवश्यकता थियो ।

अन्तिम ओभर बलिङ गर्न भुवनेश्वर कुमार आएका थिए । उनको पहिलो बलमा रविचन्द्रण आश्विनले १ रन लिए । दोस्रो बलमा रोभमन पावेलले २ रन लिए भने तेस्रो बलमा उनले चौका प्रहार गरे ।

चौथो बलमा पनि पावेलले २ रन लिए । हैदराबादका लागि रनआउटको अवसर भए पनि पावेक २ रन लिन सफल रहे । अन्तिम बलमा २ रन चाहिएकोमा पावेललाई कुमारले एलबीडब्लूमा फसाएपछि हैदराबाद १ रनले विजयी भएको हो । 

राजस्थानका रियान परागले ४९ बलमा सर्वाधिक ७७ रन बनाए । यस्तै यशस्वी जैसवालले ४० बलमा ६७ रन जोडे । 

हैदराबादका भुवनेश्वर कुमारले ३ विकेट लिए । यस्तै प्याट कमिन्स र नटराजनले २-२ विकेट लिए । त्यसअघि टस जितेर पहिले ब्याटिङ गर्ने निर्णय गरेको हैदराबादले २० ओभरमा ३ विकेट गुमाएर २०१ रन बनाएको थियो । 

जितपछि हैदराबाद १० खेलमा १२ अंकसहित चौथो स्थानमा उक्लिएको छ । राजस्थान १० खेलमा १६ अंकसहित शीर्ष स्थानमा यथावत छ ।