काठमाडौँ - इजरायली प्रधानमन्त्री बेन्जामिन नेतान्याहूकी श्रीमती सारा नेतान्याहूले सरकारी कोषको रकम दुरुपयोग गरेको स्वीकार गरेकी छिन् ।

उनले १५ हजार डलर दुरुपयोग गरेको स्वीकारेकी हुन् ।

सारामाथि प्रधानमन्त्री निवासमा भान्छा नभएको र त्यही बहानामा बाहिर गएर खाना खाएको भन्दै ९९ हजार ३ सय डलर खर्च गरेको आरोप लागेको थियो ।

गतसाल सारामाथि विश्वास तोडेको आरोपमा मुद्दा दायर गरिएको थियो । पैसाको दुरुपयोगको मामिला सारासँग सम्बन्धित नभएको र यो प्रधानमन्त्री बेन्जामिनको राजनीतिक करियरमाथि नोक्सान पुर्याउने प्रयास मात्र रहेको साराका वकिलले दाबी गरेका छन् ।  

सम्झौता अनुसार सारा नेतान्याहूले १२ हजार ४ सय ९० डलर सरकारलाई दिनुपर्ने छ । उनीमाथि २ हजार ७ सय ७७ जरिवाना पनि लगाइएको छ ।

-बीबीसीको सहयोगमा